Yeremia 18:16 - An Bibel Kernewek 20234 (Kernewek Kemmyn)

¹⁶ ow kul aga thir tra euthyk, ha ges bys vykken. Pubonan neb a dremen a vydh skruthys, hag a shak y benn.

Yeremia 18:16 ပူးပေါင်းရင်းမြစ်များ

Salmow 22:7

Seul a'm gwel a wra ges ahanav, i a gamm aga min ha shakya an penn.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 19:8

Ha my a wra an sita ma euth, ha hwibana; pubonan a's tremen a'n jeves marth ha gul ges drefenn oll hy flaow.

Matthew 27:39

Ha'n dremenysi a'n kablas, ow shakya aga fenn,

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Yeremia 50:13

Drefenn sorr an Arloedh ny vydh hi annedhys, mes y fydh ynyal kowal; pubonan usi ow mos ryb Babylon a gemmer skruth ha hwibana orth oll hy flaow.

Yeremia 49:13

Rag my re dos re'm honan, yn-medh an Arloedh, y fydh Bosra euth ha skorn ha difeyth ha molleth; ha'y sitys oll a vydh magoryow bys vykken.

1 Myghternedh 9:8

An chi ma a vydh bern a vagoryow; peub a'n tremen a gemmer skruth ha hwibana; hag i a lever, “Prag y hwrug an Arloedh tra a'n par ma dhe'n tir ma ha dhe'n chi ma?”

Mark 15:29

Ha'n dremenysi a'n kablas, ow shakya aga fenn, hag ow leverel, ‘Aha! ty, neb a dhistru an tempel hag a'n drehav kyns penn trydydh,

Ysay 37:22

hemm yw an ger re gewsis an Arloedh er y bynn: ‘Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

Ezekiel 12:19

Lavar dhe bobel an tir, Yndellma y lever an Arloedh Duw a-dro dhe drigoryon Yerusalem ha pow Ysrael: I a dheber aga bara yn fienasow, hag eva aga dowr yn euth, rag hy thir a vydh lommhes a bup-tra eus ynno, drefenn freudh oll an re usi trigys ynni.

Ezekiel 6:14

My a ystynn ow leuv warnedha ha gul an tir ynyal, dhiworth an difeyth bys Dibla, yn oll aga thrigvaow. Ena i a woer my dhe vos an Arloedh.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Salmow 44:14

Ty a'gan gwra ensampel yn mysk an kenedhlow, ha gul dhe'n poblow shakya an penn orthyn.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Dewteronomi 28:59

ena an Arloedh a dhre warnas ha war dha has plagys marthys, plagys bras hag a dhur, ha drog glevesow hag a dhur.

Levitikus 26:43

An tir ynwedh a vydh gesys gansa, ha lowenhe yn y sabotys hag ev hwath difeythtir hebdha; hag i a wra amendys rag aga hammweyth, rag i dhe dhespisya ow breusow ha'ga spyrys dhe aborrya ow ordenansow.

Levitikus 26:32

Ha my a wra an tir dibobel, ha'gas eskerens usi trigys ynno a vydh sowdhenys.

Salmow 109:25

My a dheuth ha bos skorn dhedha; pan y'm gwelsons, i a shakyas aga fenn.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 44:12

My a gemmer remenant Yuda, re settyas aga fas dhe dhos ha triga yn pow Ejyp, hag i oll a vydh diswrys, ha koedha yn pow Ejyp; i a vydh diswrys gans an kledha ha gans an divoetter, a'n lyha dhe'n meurra; i a verow gans an kledha ha gans an divoetter; hag i a vydh molleth, hag euth, ha milliga ha keredh.

Yeremia 48:27

A nyns o Ysrael ges dhis, kyn nag o kevys yn mysk ladron? rag peskweyth may kewssys anodho ty a shakyas dha benn!

Yeremia 49:17

Ynwedh Edom a vydh ynyal; peub a dremen dresti a gemmer skruth ha hwibana drefenn oll hy flagys.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Ezekiel 27:36

Gwikoryon an poblow a hwiban orthis; ty re dheuth dhe euth tromm ha ny vydhydh nevra namoy.’

Ezekiel 36:3

rakhenna, profoes ha lavar, Yndellma y lever an Arloedh Duw: Drefenn i dh'agas gul ynyal ha'gas helghya a bub tu, rag may fowgh eretons dhe remenant an kenedhlow, ha hwi re beu skornys gans tavosow, ha despitys gans an bobel;

2 Kroniklys 29:8

Yndella konnar an Arloedh a dheuth war Yuda ha war Yerusalem, hag ev a's gwrug tra a euth, a skruth, hag a hwiban, dell welowgh gans agas dewlagas agas honan.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 51:37

ha Babylon a vydh karnedhow, trigva owrgeun, tra euth ha hwibana, heb annedhyas.

Yeremia 51:43

Hy sitys yw devedhys ha bos euth, tir syghor ha difeythtir, tir le ma nag eus trigys denvyth, ha dredho ma na dremen mab-den.