Yeremia 18:11 - An Bibel Kernewek 20234 (Kernewek Kemmyn)

¹¹ Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 18:11 ပူးပေါင်းရင်းမြစ်များ

Jenesis 11:7

Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

1 Myghternedh 22:23

Ytho dell welydh, an Arloedh re worras spyrys gowek yn ganow oll a'n re ma dha brofoesi; an Arloedh re gewsis drog yn dha gever.’

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Myghternedh 22:13

‘Kewgh ha hwilewgh dhiworth an Arloedh ragov, rag an bobel, ha rag oll Yuda, a-dro dhe eryow an lyver ma re beu kevys; rag bras yw sorr an Arloedh re beu enowys er agan pynn, drefenn na woslowas agan tasow orth geryow an lyver ma, dhe wul pup-tra herwydh an pyth yw skrifys a-dro dhyn.’

2 Myghternedh 5:5

Myghtern Aram a leveris, ‘Ke yn-rag ha my a dhannvon lyther dhe vyghtern Ysrael.’ Naaman a dhibarthas ha kemmeres ganso deg talent a arghans, ha hwegh mil shekel ha deg chanj a dhillas.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 11:19

Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 19:3

ha lavar: Klewewgh ger an Arloedh, A vyghternedh Yuda, hag annedhysi Yerusalem. Yndellma y lever Arloedh an luyow, Duw Ysrael: Otta, my a dhre anfeusi war an tyller ma, may kosso diwskovarn neb a'n klew.

Yeremia 25:2

hag a gewsis Yeremia dhe oll pobel Yuda, ha dhe oll an annedhysi a Yerusalem, ow leverel:

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 26:13

Ytho lemmyn gwellhewgh agas fordhow ha'gas gwriansow ha klewewgh lev an Arloedh agas Duw, ha'n Arloedh a dreyl y vrys a-dro dhe'n anfeusi re leveris er agas pynn.

Yeremia 26:3

Martesen i a woslow, ha pub den oll a dreyl a-dhiworth y fordh dhrog may treylyav ow brys a-dro dhe'n anfeusi a dewlav dri warnedha drefenn aga drog wriansow.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 36:3

Y hyll bos pan glewvo chi Yuda a oll an drog a vynnav gul dhedha, i oll dhe dreylya a'ga drog fordhow, may hylliv gava aga hammweyth ha'ga fegh.

Yeremia 36:7

Y hyll bos aga fledyans dhe dhos a-rag an Arloedh, hag i oll dhe dreylya a'ga drog fordhow, rag meur yw an sorr ha konnar re leveris an Arloedh erbynn an bobel ma.’

Yeremia 4:1

Mar tehwelydh, A Ysrael, yn-medh an Arloedh, mar tehwelydh dhymm: ha mar korrydh dha daklow kasadow yn-mes a'm golok, heb mos yn sowdhan na fella,

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Yeremia 4:23

My a viras war an nor, hag, otta heb furv o, ha gwag; ha war an nevow ha ny's tevo golow.

Yeremia 4:6

Drehevewgh baner war-tu ha Sion: hwilewgh sawder, na wortewgh: rag my a dhre droktra a'n gogledh, ha distruyans meur.

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 7:3

Yndellma y lever Arloedh an luyow, Duw Ysrael: Gwellhewgh agas fordhow ha'gas gwriansow, ha my a wra dhywgh triga y'n tyller ma.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Ezekiel 18:23

Eus delit dhymm yn mernans tebelwas? yn-medh an Arloedh Duw; a nyns eus moy delit dhymm pan dreyl dhiworth y fordhow ha bewa?

Yona 3:8

mes bedhes den ha best kudhys gans yskar, ha kriens yn ter war Dhuw; ha treylya peub dhiworth y fordh dhrog, ha dhiworth an garowder usi yn aga diwla.

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Zekaria 1:3

Rakhenna lavar dhedha, Yndellma y lever an Arloedh: Dehwelewgh dhymmo vy, yn-medh Arloedh an luyow, ha my a dhehwel dhywgh, yn-medh Arloedh an luyow.

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Jamys 4:13

Dewgh lemmyn, an re a lever, ‘Hedhyw po a-vorow ni a vynn mos a-ji dhe'n dre ma ha spena blydhen ena ha kenwertha, ha gul prow.’

Jamys 5:1

Dewgh lemmyn, a dus rych, gwrewgh oela ha kyni war agas galarow ow tos warnowgh.