Yeremia 17:9 - An Bibel Kernewek 20234 (Kernewek Kemmyn)

⁹ An golonn yw fel dres pup-tra, ha drog dres remedi: piw a's aswonn?

Yeremia 17:9 ပူးပေါင်းရင်းမြစ်များ

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

2 Samuel 11:15

Y'n lyther ev a skrifas, ‘Sett Uria y'n voward, y'n kalessa omladh. Ena omdenn a-dhiworto, may fydh ev gweskys, ha merwel.’

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Salmow 64:7

Mes Duw a denn y seth er aga fynn; desempis i a vydh goliys.

Lavarow Koth 28:26

Neb a drest yn y golonn y honan yw foll, mes neb a gerdh yn furneth a vydh saw.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 1:6

A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Matthew 13:15

rag brys an bobel ma a veu gwrys talsogh ha poes yw klewans aga diwskovarn ha'ga lagasow re dhegesons, ma na wellons gans aga lagasow, na klewes gans aga skovornow na konvedhes gans aga holonn ha treylya, hag ytho my a wra aga sawya.”

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Mark 2:17

Ha Yesu, pan glewas henna, a leveris dhedha, ‘Dhe'n re yw yagh nyns eus edhomm a vedhek, mes dhe'n re yw klav; nyns o'ma devedhys rag gelwel an re wiryon, mes peghadoryon.’

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Romanyon 7:11

Rag pegh, ow kavoes spas y'n gorhemmynn a'm toellas ha dredho y'm ladhas.

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.