Yeremia 17:6 - An Bibel Kernewek 20234 (Kernewek Kemmyn)

⁶ Ev a vydh avel merywenn y'n difeyth, ha ny wel pan dheu dader; mes trigys vydh yn tylleryow krin an difeyth, yn tir hoelanek nag yw annedhys.

Yeremia 17:6 ပူးပေါင်းရင်းမြစ်များ

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Job 20:17

Ny vir ev orth an avonyow, an livow, an goverow a vel ha kowles.

Job 39:6

My a ros dhodho an difeythtir rag y drigva, ha'n hoelanek rag y annedh.

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Salmow 92:7

Pan las an debeles avel an gwels, ha pan sewen oll an dhrogoberoryon, ena y fydhons diswrys bynnari;

Ysay 1:30

Rag hwi a vydh avel derebinthenn gwedhrys hy del, hag avel lowarth heb dowr.

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Yeremia 48:6

Fiewgh, omsawyewgh, ha bedhewgh avel asen gwyls y'n difeyth.

Ezekiel 47:11

Mes ny vydh yaghhes y wernow ha'y halow; i a vydh gesys rag hoelan,

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Breusysi 9:45

Abimelek a omladhas erbynn an sita oll an jydh na; ev a gemmeras an sita hag a ladhas an bobel esa ynni; ev a dorras an sita dhe'n dor hag a's hasas gans hoelan.