Yeremia 17:5 - An Bibel Kernewek 20234 (Kernewek Kemmyn)

⁵ Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 17:5 ပူးပေါင်းရင်းမြစ်များ

2 Kroniklys 16:12

Y'n nownsegves blydhen warn ugens a'y reyn, Asa a borthas kleves yn y dhewdroes, ha gyllys sevur o; byttegyns kyn y'n jevo y gleves, ny hwilas an Arloedh, mes ev a hwilas gweres gans an vedhogyon.

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

Salmow 18:21

Rag my re synsis fordhow an Arloedh, ha ny dhiberthis yn trog dhiworth ow Duw.

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Ysay 20:5

I a vydh dyegrys, ha meth a's tevydh drefenn Kush aga govenek, hag Ejyp aga glori.

Ysay 36:6

Otta, ty a fydh yn lorgh an gorsenn drogh ma, Ejyp, a enter ha gwana leuv an gour a boes warnedhi. Yndella yw Faro myghtern Ejyp, dhe vyns a drest ynno.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Yeremia 11:3

Lavar dhedha: Yndellma y lever an Arloedh, Duw Ysrael; Milliges re bo an gour nag yw gostydh dhe eryow an kevambos ma,

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Hosea 1:2

Hemm yw dalleth ger an Arloedh dhe Hosea. An Arloedh a leveris dhe Hosea, ‘Ke, kemmer dhis dha honan gwreg a fornikasyon ha fleghes a fornikasyon, a-ban wrug an tir fornikasyon meur, ow tiberth dhiworth an Arloedh.’