Yeremia 17:25 - An Bibel Kernewek 20234 (Kernewek Kemmyn)

²⁵ ena yth enter dhe yetow an sita ma myghternedh ha pennsevigyon esedhys war dron Davydh, ow marghogeth yn charettow ha war vergh, i ha'ga fennsevigyon, gwer Yuda, hag annedhysi Yerusalem; ha'n sita ma a vydh annedhys bys vykken.

Yeremia 17:25 ပူးပေါင်းရင်းမြစ်များ

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

2 Samuel 8:4

Davydh a gemmeras dhiworto mil varghek ha seyth kans, hag ugens mil droesek. Davydh a evredhis oll mergh an charettow, mes ev a asas lowr anedha rag kans charett.

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 13:13

Ena ty a lever dhedha: Yndellma y lever an Arloedh: Otta, my a wra lenwel oll annedhysi an tir ma, hwath an vyghternedh esedhys war dron Davydh, ha'n oferysi, ha'n brofoesi, hag oll annedhysi Yerusalem, gans medhwynsi.

Yeremia 22:2

ha lavar, Klew ger an Arloedh, A vyghtern Yuda esedhys war dron Davydh, ty ha'th servysi ha dha bobel neb a enter a-ji dhe'n yetow ma:

Yeremia 22:30

Yndellma y lever an Arloedh, Skrifewgh an gour ma avel anvap, gour na sewen yn y dhydhyow; rag ny sewen nagonan a'y has, dhe esedha war dron Davydh, na rewlya arta yn Yuda.

Yeremia 22:4

Rag mar kwrewgh herwydh an ger ma, ena a-ji dhe yetow an chi ma myghternedh a enter neb a esedh war dron Davydh, ow marghogeth yn charettow ha war vergh, i ha'ga servysi, ha'ga fobel

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 33:15

Y'n dydhyow na hag y'n termyn na my a wra Skorrenn a wiryonedh dhe sevel rag Davydh; ev a wra gwirvreus hag ewnder y'n tir.

Yeremia 33:17

Rag yndellma y lever an Arloedh: Ny vydh Davydh nevra heb gour dhe esedha war dron chi Ysrael,

Yeremia 33:21

ena ow hevambos gans ow gwas Davydh a vydh terrys, ma na'n jevydh mab dhe reynya war y dron, hag ow hevambos gans an Levysi, an oferysi ow menystoryon.

Yeremia 7:3

Yndellma y lever Arloedh an luyow, Duw Ysrael: Gwellhewgh agas fordhow ha'gas gwriansow, ha my a wra dhywgh triga y'n tyller ma.

Yeremia 7:7

ena my a as dhywgh triga y'n tyller ma, y'n tir a res dh'agas tasow, a-henys ha bys vykken.

Dewteronomi 17:16

Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

1 Samuel 8:11

Ev a leveris, ‘Hemma a vydh fordhow an myghtern neb a reyn warnowgh: ev a gemmer agas mebyon ha'gas apoyntya rag y jarettow ha dhe vos y varghogyon, ha dhe boenya a-dherag y jarettow;