Yeremia 17:18 - An Bibel Kernewek 20234 (Kernewek Kemmyn)

¹⁸ Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Yeremia 17:18 ပူးပေါင်းရင်းမြစ်များ

Job 16:14

Ev a wrug aswa wosa aswa ynnov; ev a boen er ow fynn kepar ha kasor.

Salmow 35:4

Perthes meth, ha bedhes konfondys neb a hwila ow enev; bedhes treylys war-dhelergh ha shyndys, neb a dhevis ow fystik.

Salmow 35:8

Bedhes ev sowdhenys gans terroes, ha bedhes ev kemmerys y'n roes a gudhas ev; koedhes ev ynni dhe derroes.

Salmow 40:14

Perthens i meth ha bedhens shyndys war-barth, an re a hwila ow enev dh'y dhiswul; bedhens i treylys war-dhelergh ha konfondys an re a lowenha y'm pystik.

Salmow 70:2

Perthens i meth ha bedhens shyndys, an re a hwila ow enev; bedhens i treylys war-dhelergh ha konfondys, an re a's teves delit a'm pystik.

Salmow 71:1

Ynnos jy, A Arloedh, y hwilav skovva; na as vy dhe berthi meth bynitha.

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 11:20

Mes, A Arloedh an luyow, neb a vreus yn ewnder, neb a assay an golonn ha'n brys, gas my dhe weles dha dhial warnedha, rag dhiso jy my re dhiskwedhas ow hen.

Yeremia 12:3

Mes ty, A Arloedh, a'm aswonn: ty a'm gwel, ha previ ow holonn a-ragos. Gwra aga thenna yn-mes avel deves dhe'n ladhva, ha'ga fareusi erbynn dydh an ar.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 17:13

A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Yeremia 17:16

Mes my, ny fistenis a vones bugel dhe'th siwya, na ny hwensis dydh an anfeusi; ty a woer: an pyth a dheuth a'm diwweus a veu a-rag dha wolok.

Yeremia 17:19

Yndellma y leveris an Arloedh dhymm: Ke ha sevel yn yet mebyon an bobel, dredhi mayth enter myghternedh Yuda, ha dredhi mayth ons yn-mes, hag yn yetow oll Yerusalem,

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Dewteronomi 33:11

Bennik, Arloedh, oll y nerth ha bydh pes da a ober y dhiwla. Brew diwglun an re a sev er y bynn, ha'n re a'n kas, ma na saffons arta.

Diskwedhyans 18:6

Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.