Yeremia 17:13 - An Bibel Kernewek 20234 (Kernewek Kemmyn)

¹³ A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Yeremia 17:13 ပူးပေါင်းရင်းမြစ်များ

Salmow 22:4

Agan tasow a drestyas ynnos jy; i a drestyas, ha ty a's delivras.

Salmow 69:29

Ha my, truan ov vy ha poenvosek; re'm drehaffo dha selwyans, A Dhuw.

Salmow 71:5

Rag ty yw ow govenek, A Arloedh Duw, ow fydhyans dhiworth ow yowynkneth.

Salmow 73:27

Rag otta, an re usi pell dhiworthis a dhe goll; ty re dhistruis oll an re a wra horyans er dha bynn.

Salmow 97:7

Perthes meth oll an re a serv imajys gravys, hag a vost yn idolys; gordhyewgh ev, an duwow oll.

Lavarow Koth 10:7

Kovadh an den gwiryon yw bennath, mes hanow an debeles a boder.

Lavarow Koth 14:14

Den dislen yn y golonn a vydh attylys rag y fordhow, mes gour da a vydh gobrys rag y weythresow.

Ysay 1:28

An re a rebell ha'n beghadoryon a vydh distruys war-barth, ha'n re a forsak an Arloedh a dhe goll.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Yeremia 14:8

A wovenek Ysrael, y selwador yn termyn ahwer, prag y tal dhis bos avel alyon y'n tir, hag avel tremenyas a dreyl a-denewen dhe spena an nos?

Yeremia 17:17

Na vydh browagh dhymm: ty yw ow skovva yn dydh an drogedh.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 50:7

Peub a's kavas re's devoryas, ha'ga eskerens re leveris, ‘Nyns on kablus, drefenn i dhe begha erbynn an Arloedh, an gwir beurva, ha govenek aga thasow, an Arloedh.’

Ezekiel 13:9

Ow leuv a vydh erbynn an brofoesi usi ow kweles gwelesigethow koeg hag ow kewsel dewinieth wowek. Ny vydhons yn konsel ow fobel, na ny vydhons skrifys yn kovskrifennow chi Ysrael, na ny dhons yn pow Ysrael. Ena hwi a woer my dhe vos an Arloedh Duw.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 36:32

Nyns yw a-barth dhywgh hwi y hwrav vy hemma, yn-medh an Arloedh Duw; bedhes hemma godhvedhys dhywgh. Kemmerewgh meth ha bos konfondys drefenn agas fara, a ji Ysrael.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Zekaria 9:12

Dehwelewgh dh'agas skons, prisnoryon govenek; hwath hedhyw my a dheriv y restoryav dewblek dhis.

Luk 10:20

Byttegyns na lowenhewgh yn henna, an spyrysyon dhe vos gorrys yn-dannowgh, mes lowenhewgh rag agas henwyn dhe vos skrifys y'n nevow.’

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Oberow 28:20

Rag an acheson ma, ytho, my re'gas gelwis, rag agas gweles ha kewsel orthowgh, drefenn a-barth govenek Ysrael yw, ow bos kelmys gans an chayn ma.’

1 Timothi 1:1

Powl, abostol Krist Yesu war-lergh arghadow Duw agan Selwador, ha Krist Yesu agan govenek,

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’