Yeremia 17:11 - An Bibel Kernewek 20234 (Kernewek Kemmyn)

¹¹ Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Yeremia 17:11 ပူးပေါင်းရင်းမြစ်များ

Job 20:21

Nyns eus travyth gesys ragdho dh'y dhybri; rakhenna ny dhur y sewena.

Salmow 49:13

Hemm yw fordh an re dalsogh; ha plegadow dh'aga henedh yw aga lavarow. Sela.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Lavarow Koth 13:11

Pyth kevys yn hast a leha, mes neb a guntell tamm ha tamm a'n ynkress.

Lavarow Koth 15:27

Neb yw kraf war-lergh gwayn anewn a wra trobel rag y deylu, mes neb a gas falswobrow a vew.

Lavarow Koth 21:6

Neb a gyv tresoryow gans taves gowek yw anall hwythys a-dro, antell a ankow.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Lavarow Koth 28:16

Rewler heb konvedhes a gyv dre nerth, mes neb a gas gwayn anewn a'n jevydh bewnans hir.

Lavarow Koth 28:20

An gour a lenduri a'n jevydh meur a vennathow, mes neb a fysk dhe vos rych ny vydh heb kessydhyans.

Lavarow Koth 28:22

Gour pith a fysk dhe vos rych, ha ny woer ev y teu boghosogneth warnodho.

Lavarow Koth 28:8

Neb a voghha y rychys der oker ha moghheans a'n kuntell a-barth den arall a vydh hegar dhe'n voghosogyon.

Yeremia 22:13

Go-ev a dhrehav y ji der anewnder, ha'y jambouryow dre gammhynseth; neb a wra dh'y gentrevek lavurya heb gober, heb ri travyth dhodho rag y lavur;

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Mika 2:9

Gwragedh ow fobel a fesyowgh a'ga chiow plesont; dhiworth aga fleghesigow hwi a gemmer dhe-ves ow golewder bynitha.

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Sefania 1:9

Y'n jydh na my a gessydh oll an re a lamm dres an treudhow, neb a lenow chiow aga arloedh gans garowder ha gil.

Zekaria 5:4

My a wra hy dannvon yn-mes, yn-medh Arloedh an luyow, ha hi a enter chi an lader ha chi an den a wowli re'm hanow. Hi a drig yn kres y ji ha'y dhistrui, gans y blenkynnow ha'y veyn.’

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.