Yeremia 16:9 - An Bibel Kernewek 20234 (Kernewek Kemmyn)

⁹ Rag yndellma y lever Arloedh an luyow, Duw Ysrael: Otta, my a bellha dhiworth an tyller ma, yn agas dydhyow hag a-rag agas lagasow, lev lowender ha lev heudhder, lev an gour pries ha lev an venyn bries.

Yeremia 16:9 ပူးပေါင်းရင်းမြစ်များ

Salmow 78:63

Tan a dhybris aga thus yowynk, ha ny veu aga maghtethyon res yn demmedhyans.

Yeremia 25:10

Ynwedh my a gemmer a-dhiworta lev lowender ha lev lowena, lev an gour pries ha lev an venyn bries, son an meyn melin ha golow an gantol.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Ezekiel 12:25

Mes my, an Arloedh, a gews an pyth a gowsav hag ev a hwyrvydh. Ny vydh delatys na fella; mes yn agas dydhyow, a ji diwostydh, my a gews an ger ha'y gowlwul, yn-medh an Arloedh Duw.

Ezekiel 26:13

My a wra dhe dros dha gana tewel, ha son dha sowtris ny vydh klewys arta.

Hosea 2:11

My a worr diwedh dhe oll hy heudhder: hy dy'goelyow, hy loeryow nowydh, hy sabotys, hag oll hy dy'goelyow apoyntys.