Yeremia 16:10 - An Bibel Kernewek 20234 (Kernewek Kemmyn)

¹⁰ Ha pan dhiskwedhydh dhe'n bobel ma oll an geryow ma, hag y leverons dhis, ‘Prag y leveris an Arloedh oll an drogedh meur er agan pynn? po pyth yw agan kammhynseth? ha pyth yw agan pegh a wrussyn erbynn an Arloedh agan Duw?’

Yeremia 16:10 ပူးပေါင်းရင်းမြစ်များ

Yeremia 11:17

Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 13:22

Ha mar leverydh y'th kolonn, ‘Prag y teu an traow ma warnav?’ Rag meurder dha gammhynseth yw diskudhys dha lostennow, ha dha seudhelyow noeth.

Yeremia 2:23

Fatell yllydh leverel, ‘Nyns ov defolys, nyns idh war-lergh Baalim’? Gwel dha fordh y'n nans, godhvydh an pyth a wrussys: kasek-kowrvargh skav ow poenya a-dro yn hy fordhow;

Yeremia 2:35

ty a lever, ‘Ankablus ov; yn sur y sorr a wra treylya a-dhiworthiv.’ Otta, my a wra dha vreusi, drefenn ty dhe leverel, ‘Ny beghis.’

Yeremia 44:3

drefenn an drogedh a wrussons orth ow frovokya dhe sorr, drefenn i dhe vones dhe leski offrynnow ha servya duwow erell na aswonnens, na i, na hwi, na'gas tasow.

Yeremia 5:19

Hag y hwyrvydh, pan leverowgh, ‘Prag y hwra an Arloedh an traow ma dhyn?’ ena ty a worthyp dhedha, ‘Par dell wrussowgh ow eskasa, ha servya duwow estren yn agas tir, yndellma hwi a serv estrenyon yn tir nag eus dhywgh.’

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Hosea 12:8

Yn-medh Efraym, ‘Yn hwir rych ov vy, my re drovyas pythow; yn oll ow lavur ny gevons ynnov kammhynseth, yw pegh.’