Yeremia 15:8 - An Bibel Kernewek 20234 (Kernewek Kemmyn)

⁸ Aga gwedhwesow yw ynkressys dhymm moy es tewes an moryow; my re dhros erbynn mammow an wer yowynk diswrier dhe hanter-dydh: my re wrug skruth hag euth dhe goedha distowgh warnedha.

Yeremia 15:8 ပူးပေါင်းရင်းမြစ်များ

Ysay 3:25

Dha wer a goedh der an kledha, ha'th kasoryon y'n gas.

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Ysay 4:1

Seyth benyn a gyv dalghenn yn unn wour y'n jydh na, ow leverel, ‘Ni a dheber agan bara ha gwiska agan dillas agan honan; unnsel gas ni dhe vos henwys gans dha hanow. Kemmer dhe-ves agan sham!’

Yeremia 16:3

Rag yndellma y lever an Arloedh a-dro dhe'n vebyon hag a-dro dhe'n myrghes yw genys y'n tyller ma, hag a-dro dhe'n mammow a's dug, hag a-dro dhe'n tasow a's dineythis y'n tir ma:

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 22:7

Ha my a bareus distruoryon er dha bynn, peub gans y arvow; i a derr dha geder dewisys ha'ga thewlel y'n tan.

Yeremia 4:16

Menegewgh dhe'n kenedhlow, ‘Ottava’; dyllewgh erbynn Yerusalem, ‘Yma eskerens ow tos a bow pell, hag i a lev erbynn sitys Yuda.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Kynvannow 5:3

Omdhivasow re beun heb tas; agan mammow yw kepar ha gwedhwesow.

Ezekiel 22:25

Hy fennsevigyon yn hy kres yw kepar ha lew owth usa, ow terri preydh; i re dhybris enevow; i re gemmeras tresor ha taklow drudh; i re wrug gwedhwesow pals a-berth ynno.

Hosea 4:5

Ty a drebuch dydhweyth, an profoes ynwedh a drebuch nosweyth, ha my a dhistru dha vamm.

Luk 21:35

avel maglenn; rag ev a dheu war bubonan eus trigys war enep oll an nor.