Yeremia 15:7 - An Bibel Kernewek 20234 (Kernewek Kemmyn)

⁷ Ha my a's gwynsell gans forgh-dhrushya yn yetow an tir; my a's gwrug anvap, my a dhistru ow fobel, a-ban na dhehwelsons a'ga fordhow.

Yeremia 15:7 ပူးပေါင်းရင်းမြစ်များ

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 51:2

ha my a dhannvon gwynselloryon dhe Babylon, hag i a's gwynsell. I a wakha hy thir pan dhons er hy fynn a bub tu yn dydh an ahwer.

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 24:25

Ha ty, A vab den, y'n jydh may hwrav vy kemmeres dhiworta aga skons, lowena aga thekter, delit aga dewlagas, desir aga enev, hag ynwedh aga mebyon ha'ga myrghes –

Ezekiel 36:12

My a wra dhe dus kerdhes warnowgh, ow fobel Ysrael, hag i a wra dha berghenna, ha ty a vydh aga eretons, ha nevra namoy vydhydh orth aga gul anvap.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Dewteronomi 28:18

Mollothek vydh frut dha gorf ha frut dha dir, leughi dha jatel, hag eyn dha flokk.

Dewteronomi 28:32

Dha vebyon ha'th vyrghes a vydh res dhe bobel arall; dha dhewlagas a vir gans hireth ragdha oll an jydh, mes ny' fydh nerth y'th leuv.

Dewteronomi 28:41

Ty a dhineyth mebyon ha myrghes, mes ny vydhons dhis, rag yth ons yn kethneth.