Yeremia 15:6 - An Bibel Kernewek 20234 (Kernewek Kemmyn)

⁶ Ty re'm denaghas, yn-medh an Arloedh, ty yw gyllys war-dhelergh: ytho my a ystynn ow leuv er dha bynn, ha'th tistrui; skwith ov ow koedha yn edrek.

Yeremia 15:6 ပူးပေါင်းရင်းမြစ်များ

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 28:13

Ger an Arloedh a vydh dhedha, ‘Rewl war rewl, rewl war rewl, linenn war linenn, linenn war linenn, banna omma, banna ena’, rag mayth ellons ha koedha war-dhelergh ha bos terrys, ha maglennys, ha kemmerys.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Yeremia 1:16

Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Yeremia 6:12

Aga chiow a dremen dhe re erell, parkow ha gwragedh maga ta: rag my a ystynn ow leuv war drigoryon an tir, yn-medh an Arloedh.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Yeremia 7:16

Ty ytho, na bys rag an bobel ma, na na dhrehav kri na pysadow ragdha, na pledya genev: rag ny'th klewav.

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Ezekiel 25:7

rakhenna awottavy owth ystynn ow leuv er dha bynn ha'th ri avel preydh dhe'n kenedhlow. My a'th tregh dhiworth an poblow ha'th tilea dhiworth an powyow; my a'th tistru; ha hwi a woer my dhe vos an Arloedh.

Ezekiel 35:3

ha lavar dhodho, Yndellma y lever an Arloedh Duw: Ottavy er dha bynn, A venydh Seir, ha my a ystynn ow leuv er dha bynn, ha'th wul difeyth hag ynyal.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Hosea 4:16

Ytho Ysrael yw gorth avel lejek penn-kales. Lemmyn an Arloedh a's bugel avel oen yn pras efan.

Sefania 1:4

My a ystynn ow leuv erbynn Yuda hag erbynn an drigoryon oll a Yerusalem; ha my a dregh remenant Baal dhiworth an tyller ma ha hanow an Kemarim gans an oferysi;

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.