Yeremia 15:3 - An Bibel Kernewek 20234 (Kernewek Kemmyn)

³ Ha my a wra ordena warnedha peswar eghenn a derroes, yn-medh an Arloedh: an kledha dhe ladha, ha'n keun dhe skwardya, hag ydhyn an nev, ha bestes an nor, dhe dhevorya ha dhe dhistrui.

Yeremia 15:3 ပူးပေါင်းရင်းမြစ်များ

Salmow 68:23

rag may trogghi dha droes yn goes, rag may kaffo taves dha geun y rann a'th eskerens.’

Ysay 18:6

I a vydh gesys war-barth rag ydhyn-preydh an menydhyow ha rag bestes an tir; an ydhyn a spen an hav warnedha hag oll bestes an tir a spen an gwav warnedha.

Yeremia 12:9

Ow ertach yw dhymm avel edhen-breydh vrith, yma an ydhyn-preydh erell a-dro er hy fynn; dewgh, kuntellewgh oll bestes an mes, dens i dhe dhevorya.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 14:16

Ha'n bobel dhe neb y profoesons a vydh tewlys yn-mes yn stretow Yerusalem drefenn an divoetter ha'n kledha; ha ny vydh nagonan dh'aga ynkleudhyas, i, na'ga gwragedh, na'ga mebyon, na'ga myrghes: rag my a dhiver aga drogedh warnedha.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 7:33

Korfow an bobel ma a vydh karyn dhe ydhyn an nev, ha rag bestes an nor; ha ny wra nagonan dh'aga chasya dhe-ves.

Kynvannow 3:11

Ev re dreylyas ow fordhow a-denewen hag ow skethenna; hag ow gasa forsakys.

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 33:27

Yndellma y leverydh dhedha, Yndellma y lever an Arloedh: Dell vewav, an re trigys y'n magoryow a goedh der an kledha; ha neb eus y'n gwel a rov dhe'n bestes dhe vos dybrys; ha'n re usi yn skonsow hag yn fowys a verow der an pla.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Levitikus 26:22

Ha my a dhannvon bestes gwyls yn agas mysk a gemmer dhe-ves agas fleghes, ha diswul agas chatel, ha lehe agas niver, ha gwag vydh agas fordhow.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Amos 5:19

kepar ha pan fia gour dhiworth lew, hag ors ow tos er y bynn; po mos yn chi ha poesa erbynn an paros gans y dhorn ha bos brethys gans sarf.

Dewteronomi 28:26

Dha gorf a vydh boes rag pub edhen a'n ebron ha rag bestes an gwel, ha ny vydh nagonan dh'aga chasya dhe-ves.

Dewteronomi 32:24

I a vydh gwannhes gans divoetter, ha devorys gans plag ha kleves hwerow; my a dhannvon ynna dyns bestes, gans venim serf ow kramya yn doust.

Diskwedhyans 6:8

Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.