Yeremia 15:2 - An Bibel Kernewek 20234 (Kernewek Kemmyn)

² Hag y hwyrvydh, mar leverons dhis, ‘Ple'th en alemma?’ Ena ty a lever dhedha: Yndellma y lever an Arloedh: Seul yw rag mernans, dhe'n mernans; ha seul yw rag an kledha, dhe'n kledha; ha seul yw rag an divoetter, dhe'n divoetter; ha seul yw rag an gethneth, dhe'n gethneth.

Yeremia 15:2 ပူးပေါင်းရင်းမြစ်များ

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 24:18

Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 14:16

Ha'n bobel dhe neb y profoesons a vydh tewlys yn-mes yn stretow Yerusalem drefenn an divoetter ha'n kledha; ha ny vydh nagonan dh'aga ynkleudhyas, i, na'ga gwragedh, na'ga mebyon, na'ga myrghes: rag my a dhiver aga drogedh warnedha.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 43:11

Ev a dheu ha gweskel pow Ejyp, ow ri dhe'n mernans an re yw destnys rag mernans, ha dhe gethneth an re yw destnys rag kethneth, ha dhe'n kledha an re yw destnys rag an kledha.

Ezekiel 12:11

Lavar, ‘My yw tokyn ragowgh: kepar dell wrug vy, yndella y fydh gwrys dhedha i. Yth ons yn divroedh, yn kethneth.’

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 33:27

Yndellma y leverydh dhedha, Yndellma y lever an Arloedh: Dell vewav, an re trigys y'n magoryow a goedh der an kledha; ha neb eus y'n gwel a rov dhe'n bestes dhe vos dybrys; ha'n re usi yn skonsow hag yn fowys a verow der an pla.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Amos 5:19

kepar ha pan fia gour dhiworth lew, hag ors ow tos er y bynn; po mos yn chi ha poesa erbynn an paros gans y dhorn ha bos brethys gans sarf.

Zekaria 11:9

Ha my a leveris, ‘Ny vynnav agas peski. An dhavas a vydh ow merwel, gas hi dhe verwel, ha neb a vydh dileys gas hi dhe vos dileys. Ha'n remenant – re dheppro pubonan kig hy ben.’

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.