Yeremia 14:7 - An Bibel Kernewek 20234 (Kernewek Kemmyn)

⁷ Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Yeremia 14:7 ပူးပေါင်းရင်းမြစ်များ

Ezra 9:15

A Arloedh, Duw Ysrael, ty yw gwiryon: rag ni yw gesys hedhyw avel remenant a skapyas. Ottani a-ragos yn agan kammweyth: drefenn ny yllyn ni sevel a-ragos drefenn hemma.’

Salmow 115:1

Na ro dhyn ni, A Arloedh, na ro dhyn ni an gordhyans, mes dhe'th hanow jy, a-barth dha dregeredh ha'th wiryonedh.

Salmow 25:11

A-barth dha hanow, A Arloedh, gav dhymm ow hammweyth, rag meur yw.

Salmow 79:9

Gweres dhyn ni, A Dhuw agan selwyans, a-barth golewder dha hanow; gwra agan delivra, ha kudh agan peghosow, a-barth dha hanow.

Ysay 48:11

A'm govis vy, a'm govis evy y'n gwrav, rag fatell vydhav defolys? Ha'm glori ny'n rov dhe arall.

Ysay 59:12

Ytho agan treuspassow yw lies a-ragos, ha'gan peghosow a dheg dustuni er agan pynn. Rag yma agan treuspassow genen, ha ni a aswonn agan drogoberow:

Yeremia 10:19

Go-vy a'm pystik! Ow goli yw ankensi: mes my a leveris, Yn hwir hemm yw ow duwon, ha res yw dhymm y berthi.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Yeremia 5:25

Agas drogoberow re dreylyas an traow ma dhe-ves, ha'gas peghosow re withas dader a-dhiworthowgh.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Hosea 5:5

Goeth Ysrael a dhest er y bynn; Ysrael hag Efraym a drebuch yn aga hammhynseth; Yuda ynwedh a drebuch gansa.

Hosea 7:10

Goeth Ysrael a dhest er y bynn, mes ny dhehwelsons dhe'n Arloedh aga Duw, na ny'n hwilsons, yn despit dhe henna oll.

Amos 7:2

Ha pan gowldhyb'sens losow an dor, yn-medhav, ‘A Arloedh Duw, gav, my a'th pys! Fatell yll Yakob sevel? rag byghan yw.’

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Efesianys 1:12

may fewen ni rag gormel y splannder, ni neb o an kynsa a'n jevo govenek yn Krist;

Efesianys 1:6

dhe wormel splannder y ras a wrontyas dhyn y'n Karadow;

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’