Yeremia 14:22 - An Bibel Kernewek 20234 (Kernewek Kemmyn)

²² Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 14:22 ပူးပေါင်းရင်းမြစ်များ

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 17:14

Rag yndellma y lever an Arloedh, Duw Ysrael: Ny vydh gwag an seth a vleus ha ny fyll an podik a oyl bys y'n jydh may tannvon an Arloedh glaw war an nor.’

1 Myghternedh 18:1

Wosa lies dydh ger an Arloedh a dheuth dhe Elias, yn tressa blydhen an syghor, ow leverel, ‘Ke, omdhiskwedh dhe Ahab, ha my a dhannvon glaw war an nor.’

1 Myghternedh 8:36

ena klew yn nev, ha gav pegh dha wesyon, dha bobel Ysrael, pan dhyskydh dhedha an fordh dha dhe gerdhes ynni; ha dannvon glaw war dha dir, a resys dhe'th pobel avel eretons.

Job 28:26

pan wrug ev ordenans rag an glaw, ha hyns rag an taran ha'n lughes;

Job 5:10

Ev a re glaw war an norvys ha dannvon dowrow war an gwelyow;

Salmow 130:5

My a worta an Arloedh; ow enev a'n gorta, hag yn y er ev y trestyav;

Salmow 135:7

Ev a wra dhe'n kommol yskynna dhiworth penn an nor; ev a wra lughes rag an glaw, ow tri an gwynsow yn-mes a'y dresorvaow.

Salmow 147:8

Neb a gudh an nevow gans kommol, ha darbari glaw rag an nor, ha gul dhe wels tevi war an menydhyow.

Salmow 25:21

Re'm gwittho perfydhder ha gwiryonsys, rag my a hwila skovva ynnos jy.

Salmow 25:3

Sur na berthes meth an re a drest ynnos jy; perthes meth an re a wra falsuri heb ken.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Yeremia 10:12

Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 10:3

Rag ordenansow an bobel yw euver: gwydhenn a'n goeswik yw treghys, gweyth leuv an ser, gans an voel.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 5:12

I re naghas an Arloedh, ha leverel, ‘Ny wra ev travyth; na ny wra drogedh dos warnan; ny welyn ni naneyl kledha na divoetter.’

Yeremia 5:24

Ny leverons yn aga holonn, ‘Gwren ni perthi own a'n Arloedh agan Duw, neb a re an glaw, ha'n kynsa ha'n diwettha, yn y dermyn: ev a with ragon seythunyow ordenys an drevas.’

Yeremia 51:16

Pan dhrehav y lev yma tervans dowrow y'n nevow, hag ev a wra niwl dhe sevel a-dhiworth pennow an nor. Ev a wra lughes gans an glaw, hag ev a dhre gwyns yn-mes a'y dresoryow.

Hosea 2:7

Hi a wra poenya war-lergh hy haroryon mes ny yll drehedhes dhedha; hi a's hwila, mes ny yll aga havoes. Ena hi a lever, ‘My a vynn mos, ha dehweles dhe'm kynsa gour; y feu gwell ragov ena es dell yw lemmyn.’

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Amos 4:7

Hag ynwedh my a skonyas a ri dhywgh an glaw, ha tri mis hwath gesys kyns an drevas; ha my a wrug glaw dhe goedha war unn sita ha ny wrugavy glaw dhe goedha war sita arall; war unn park glaw a goedh, ha'n park na gavas glaw a wedhras;

Mika 5:6

Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Dewteronomi 28:12

An Arloedh a iger y dresorva dha, an nevow, dhe ri glaw dhe'th tir yn y seson ha dhe venniga oll an ober a'th leuv; ty a brest dhe lies kenedhel mes ty, ny gevydh prestenn.

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.