Yeremia 14:2 - An Bibel Kernewek 20234 (Kernewek Kemmyn)

² Yuda a alar, divew yw hy yetow; esedhys yns war an dor yn galarwisk; ha kri Yerusalem res eth yn-bann.

Yeremia 14:2 ပူးပေါင်းရင်းမြစ်များ

Job 34:28

I a wrug dhe gri an voghosogyon dos dhodho, may klewas ev kri an dus truan.

Salmow 144:14

Re bo agan oghen krev rag ober, ha na vo aswaow na divroa, ha na vo kri a gynvann yn agan stretys.

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Ysay 15:5

Ow holonn a gri rag Moab; hy fowesigyon a fi bys Soar, bys Eglath-shelishiya. Yth ons yn-bann owth oela war an fordh-yskynna dhe Luhith; war an fordh dhe Horonaym i a dhrehav garm a gollva.

Ysay 24:11

I a oul rag gwin y'n stretys; oll lowena a dewlha, heudhder yw pellhes dhiworth an tir.

Ysay 24:4

An nor a gyn hag a wedher, an bys a dhesygh hag a wedher; pobel ughel an norvys a wannha.

Ysay 24:7

Gwin nowydh a dhesygh ha'n gwinbrenn a wedher; oll an re yw heudh aga holonn a hanas.

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Ysay 33:9

An tir a gyn ha gwedhra; Lebanon a gemmer meth ha pedri; Sharon yw avel gwylvos, ha Bashan ha Karmel a shak aga del dhe-ves.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 12:11

I a'n gwrug ynyal; ynyal, y kalar orthiv an tir oll yw gwrys ynyal, mes denvyth ny'n kemmer dhe golonn.

Yeremia 12:4

Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’

Yeremia 18:22

Re bo klewys kri a'ga chiow, pan dhredh bagas a soudoryon warnedha a-dhistowgh: rag i re balasas pytt dhe'm kachya, ha kudha maglennow rag ow threys.

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Yeremia 46:12

An kenedhlow re glewas a'th veth, ha'th kri re lenwis an nor; rag kasor re drebuchyas erbynn kasor; ha'n dhew re goedhas war-barth.

Yeremia 8:21

Rag pystik myrgh ow fobel yth ov pystigys; kyni a wrav; euth re'm dalghennas.

Kynvannow 2:8

Ervirys yw an Arloedh dhe dhomhwel fos myrgh Sion; hag ev re ystynnas kordenn-vusura; ny dreylyas y leuv dhiworth distrui ha gul dhe skons ha fos kyni; gyllys gwann yns i war-barth.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Kynvannow 5:10

Agan kroghen yw poeth kepar ha forn drefenn poethvann divoetter.

Hosea 4:3

Rakhenna an tir a dhesygh, ha myns eus trigys ynno a wedher, gans bestes an gwel, ydhyn an nevow; ynwedh puskes an mor a wra merwel.

Yoel 1:10

Gwastys yw an gwel, an tir a dhesygh; drefenn bos gwastys an ys; desyghys yw an gwin nowydh, an oyl a fyll.

Yoel 1:11

Kemmerewgh meth, hwi diogyon; oulyewgh, a hwi wonedhysi gwinlannow, rag an gwaneth ha rag an heydh, drefenn bos diswrys trevas an gwel.

Yoel 1:14

Sakrewgh penys, gelwewgh kuntelles solem, kuntellewgh an dus hen, oll annedhysi an tir, yn chi an Arloedh agas Duw, ha kriewgh war an Arloedh.

Yoel 2:6

A-ragdha poblow a gren: oll an fasow a gyll aga liw.

Haggay 1:11

Ha my a elwis rag syghor war an tir, war an menydhyow, ha war an ys, war an gwin nowydh, ha war an oyl, ha war an pyth a wra an dor y dhri mes, war dus, ha war warthek ha war oll an askorr a lavur diwleuv.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

1 Samuel 5:12

an wer na verwis a veu plagys gans hwedhow, ha kri an sita eth yn-bann dhe nev.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’