Yeremia 14:19 - An Bibel Kernewek 20234 (Kernewek Kemmyn)

¹⁹ A wruss'ta denagha Yuda yn tien? A wrug dha enev kasa Sion? Prag y hwruss'ta agan gweskel ma na vydh yaghheans dhyn? Ni a hwilas kres mes nyns eus dader: rag termyn yeghes, hag otta browagh.

Yeremia 14:19 ပူးပေါင်းရင်းမြစ်များ

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Job 30:26

Mes pan feu dhymm govenek a dader, drog a dheuth; pan waytis golow, tewlder a dheuth.

Salmow 78:59

Pan glewas Duw hemma, serrys veu, hag ev a dhispresyas Ysrael yn feur.

Salmow 89:38

Mes ty re dewlis dhe-ves ha skonya; ty re sorras orth dha Untys.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Yeremia 12:7

My re asas ow chi, my re skonyas ow ertach; my re ros karadow ow enev yn leuv hy eskerens.

Yeremia 12:8

Ow ertach yw ragov avel lew y'n goeswik; kria a wra er ow fynn: ytho my a'n kas.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 15:18

Prag yth yw ow dolor heb diwedh, ha'm goli yw mar dhrog ma na yll bos yaghhes? A vydhydh dhymm yn tien avel gover gowek, hag avel dowrow a fyll?

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 30:13

Nyns eus nagonan dhe bledya dha gen, medhegneth vyth dhe'th woli, yaghheans vyth ragos.

Yeremia 51:5

Rag ny veu Ysrael na Yuda gwrys gwedhow gans aga Duw, Arloedh an luyow, kynth yw aga thir leun a gabel erbynn an Sans a Ysrael.

Yeremia 6:30

Gelwys yns ‘arghans deneghys’, drefenn an Arloedh dh'aga denagha.

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Yeremia 8:15

Agan govenek a veu kres, mes nyns esa dader; termyn yeghes, hag otta browagh.

Yeremia 8:22

A nyns eus balsam yn Gilead? a nyns eus medhek ena? Ytho prag nag eus yaghheans rag myrgh ow fobel?

Kynvannow 2:13

Pandr'a allav y leverel a-dro dhis, pandr'a gehavalav dhis, a vyrgh Yerusalem? pandr'a gomparyav genes ma'th konfortiv, A wyrghes, myrgh Sion? Rag mar vras avel an mor yw dha derroes; piw a yll dha yaghhe?

Kynvannow 2:22

Ty a elwis seul a'm broweghi a'm kyrghynn kepar dell ve yn dy'goel; hag yn dydh sorr an Arloedh nyns esa denvyth a skapyas na diank; seul a wrug vy aga dineythi ha maga ow eskar re dhistruis.

Kynvannow 4:17

Hwath agan dewlagas a fyllis, ow kortos difres yn euver; yn agan goelva ni a woelyas rag kenedhel na allas sawya.

Kynvannow 5:22

po a wruss'ta devri agan denagha yn tien? A wruss'ta serri orthyn dres musur?

Mika 1:12

Rag annedhyades Maroth a worta dader yn prederus, drefenn droktra re dheuth war-nans a'n Arloedh bys yn yet Yerusalem.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.