Yeremia 14:10 - An Bibel Kernewek 20234 (Kernewek Kemmyn)

¹⁰ Yndellma y lever an Arloedh dh'y bobel: Yn hwir i re garas gwandra, ny fronnsons aga threys, yndella ny's degemmer an Arloedh; lemmyn ev a wra perthi kov a'ga drogoberow, ha kessydhya aga feghosow.

Yeremia 14:10 ပူးပေါင်းရင်းမြစ်များ

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

Salmow 119:101

My re withas ow threys rag pub drog hyns, rag may synsiv dha er.

Salmow 95:10

Dewgens blydhen my a dhivlasas an henedh na ha my a leveris, ‘Hemm yw pobel a wander yn sowdhan yn aga holonn, ha ny aswonnons ow fordhow.’

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Yeremia 2:36

Prag yth yw trufel y'th wolok chanjya dha fordh? Ty a' fydh meth a Ejyp ynwedh, dell y'th o meth a Assyria.

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Ezekiel 29:16

Ny wra chi Ysrael fydhya ynna arta; i a berth kov a'ga hammweyth pan dreylsons dhedha rag gweres. Ena i a woer my dhe vos an Arloedh Duw.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Hosea 11:9

Ny gowlwrav ow honnar fell; ny dhehwelav dhe dhistrui Efraym: rag Duw ov vy a-der gour; an Sans yn agas mysk, ha ny dhov vy yn sorr.

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Hosea 7:2

Ny brederons yn aga holonn my dhe govhe oll aga droktra. Lemmyn yma aga oberow oll a-dro dhedha; ymons dherag ow fas.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’

1 Samuel 15:2

Yndellma y lever Arloedh an luyow, “My a gessydh an Amalekysi rag an pyth a wrussons ow settya erbynn mebyon Ysrael pan dheuthons yn-bann yn-mes a Ejyp.