Yeremia 13:19 - An Bibel Kernewek 20234 (Kernewek Kemmyn)

¹⁹ Sitys an Negeb a vydh deges, heb denvyth dh'aga igeri: Yuda a vydh degys dhe-ves yn divroedh, degys vydh yn tien yn divroedh.

Yeremia 13:19 ပူးပေါင်းရင်းမြစ်များ

2 Myghternedh 25:21

Myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

1 Kroniklys 9:1

Ytho oll Ysrael a veu kovskrifys herwydh aga aghskrifow yn lyver myghternedh Ysrael. Yuda a veu degys yn divroedh yn Babylon drefenn aga dislelder.

Job 12:14

Mar tewl ev dhe'n dor, ny yll denvyth dastrehevel; mar tege ev gour a-bervedh, ny yllir igeri.

Yeremia 17:26

Hag i a wra dos a-dhiworth sitys Yuda, ha'n tylleryow a-dro dhe Yerusalem, hag a-dhiworth tir Benyamin, ha'n Shefela, hag a'n vro venydhyek, hag a'n dhyghowbarth, ow tri offrynnow leskys, ha sakrifisow, hag offrynnow greun, ha frankynkys, hag ow tri sakrifisow gormel, bys yn chi an Arloedh.

Yeremia 20:4

Rag yndellma y lever an Arloedh: Otta, my a'th wra browagh dhis dha honan, ha dhe'th kowetha oll: hag i a goedh gans kledha aga eskerens, ha'th tewlagas a'n gwel: ha my a re Yuda oll yn leuv myghtern Babylon, hag ev a's deg yn divroedh yn Babylon, ha'ga ladha gans an kledha.

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Yeremia 28:4

Ha my a dhaskorr arta dhe'n tyller ma Yekonia mab Yehoyakim myghtern Yuda, hag oll an dhivresow a Yuda hag eth dhe Babylon, yn-medh an Arloedh, rag my a derr yew myghtern Babylon.’

Yeremia 32:44

Parkow a vydh prenys gans arghans, ha titlow a vydh sinys ha selys ha destys, yn pow Benyamin, y'n tylleryow a-dro dhe Yerusalem, hag yn sitys Yuda, hag yn sitys an vro venydhyek, hag yn sitys an Shefela hag yn sitys an Negeb; rag my a dreyl aga hethneth, yn-medh an Arloedh.

Yeremia 33:13

Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Yeremia 39:9

Ena Nebuzaradan kapten an withysi a dhug yn divroedh dhe Babylon remenant an bobel o gesys y'n sita, ha'n re a gilfias dhodho, ha remenant an bobel re beu gesys.

Yeremia 52:27

Ha myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

Yeremia 52:28

Hemm yw an niver a dus a veu kemmerys yn divroedh gans Nebukadnessar: y'n seythves blydhen, tri mil Yedhow ha tri warn ugens;

Yeremia 52:30

Y'n tressa blydhen warn ugens a Nebukadnessar, Nebuzaradan kapten an withysi a gemmeras yn divroedh seyth kans den pymp ha dew-ugens; oll an dus o peswar mil hwegh kans.

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Zekaria 7:7

A nyns yw an re ma an geryow a armas an Arloedh dre'n profoesi a-henys, pan veu Yerusalem annedhys ha kosel, ha'n trevow yn hy hyrghynn ha'n Negeb ha'n Shefela annedhys ynwedh?

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:52

Ev a omsett a-dro dhis yn oll dha yetys bys pan goettho dha fosow ughel ha kerys mayth esos ow trestya ynna der oll dha dir; hag ev a omsett a-dro dhis, yn oll dha yetys der oll dha dir, a ros an Arloedh dha Dhuw dhis.

Yoshua 18:5

Rynnewgh an tir yn seyth rann. Yuda a bes yn y diredh a'n dhyghowbarth, ha chi Yosep a bes yn aga thiredh a'n gledhbarth.