Yeremia 13:17 - An Bibel Kernewek 20234 (Kernewek Kemmyn)

¹⁷ Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 13:17 ပူးပေါင်းရင်းမြစ်များ

Salmow 119:136

Ow dewlagas a dhewrak gans goverow a dhowr drefenn na synsir dha lagha.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Ysay 63:11

Ena ev a borthas kov a'n dydhyow koth, Moyses ha'y bobel. Ple'ma ev neb a's dros war-vann yn-mes a'n mor, gans bugeledh y flokk? Ple'ma ev neb a settyas y Spyrys Sans a-berth ynno,

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 15:17

Ny esedhis yn kuntelles an re a wra ges, na ny lowenhis; my a esedhas ow honan drefenn dha leuv: rag ty a'm lenwis a sorrvann.

Yeremia 17:16

Mes my, ny fistenis a vones bugel dhe'th siwya, na ny hwensis dydh an anfeusi; ty a woer: an pyth a dheuth a'm diwweus a veu a-rag dha wolok.

Yeremia 22:5

Mes mar ny woslewowgh orth an geryow ma, my a de re'm honan, yn-medh an Arloedh, y fydh an chi ma magor.

Yeremia 23:1

Go-i an vugeledh a dhistru ha skattra deves ow feurva! yn-medh an Arloedh.

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Kynvannow 2:18

Kria a wrug aga holonn war an Arloedh. A fos myrgh Sion, gas dha dhagrow dhe frosa yn-nans avel avon dydh ha nos. Na ro dhis dha honan powes, na difresyans dhe vew dha lagas.

Kynvannow 3:48

Goverow a dhowr a dhever yn-nans dhiworth ow lagas drefenn terroes myrgh ow fobel.

Ezekiel 24:16

Mab den, awottavy ow kemmeres dhiworthis desir dha dhewlagas gans strekys; ny gynydh, na ny oelydh, na ny vydh dhis dagrow.

Ezekiel 34:31

Hwi yw ow deves, deves ow feurva; my yw agas Duw, yn-medh an Arloedh Duw.

Ezekiel 36:38

Kepar ha flokk rag offrynnow, kepar ha flokk Yerusalem yn hy goelyow apoyntys, yndella y fydh an sitys ynyal lenwys a flokkys a dus. Ena i a woer my dhe vos an Arloedh.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 15:35

Ny dheuth Samuel namoy dhe weles Sowl bys yn dydh y vernans, mes grevya a wrug Samuel drefenn Sowl. Ha'n Arloedh a'n jevo edrek drefenn ev dhe wul Sowl myghtern war Ysrael.