Yeremia 13:13 - An Bibel Kernewek 20234 (Kernewek Kemmyn)

¹³ Ena ty a lever dhedha: Yndellma y lever an Arloedh: Otta, my a wra lenwel oll annedhysi an tir ma, hwath an vyghternedh esedhys war dron Davydh, ha'n oferysi, ha'n brofoesi, hag oll annedhysi Yerusalem, gans medhwynsi.

Yeremia 13:13 ပူးပေါင်းရင်းမြစ်များ

Salmow 60:3

Ty re dhiskwedhas dhe'th pobel taklow kales; ty re wrug dhyn ni eva gwin a benn-dro.

Salmow 75:8

Rag yn leuv an Arloedh yma hanaf, hag ewynek yw an gwin, kemmyskys yn leun, hag ev a dhinwa anodho. Mes an godhes anodho, oll tebeles an nor a'n lenk ha'y eva.

Ysay 29:9

Bedhewgh dyegrys ha penndegys, omdhallhewgh ha bedhewgh dall; bedhewgh medhow, mes a-der gans gwin, trebuchyewgh, mes a-der gans korev.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Ysay 51:21

Ytho klew hemma, ty druan, neb yw medhow, mes a-der gans gwin.

Ysay 63:6

My a drettyas poblow y'm sorr, ha'ga medhwi y'm konnar, ha dinewi aga sugen war an dor.’

Yeremia 13:12

Ytho ty a gews dhedha an ger ma: Yndellma y lever an Arloedh, Duw Ysrael: Pub kostrel a vydh lenwys gans gwin; hag i a lever dhis, ‘A dybydh na wodhon yn sertan y tegoedh pub kostrel bos lenwys gans gwin?’

Yeremia 25:27

Ena ty a lever dhedha, Yndellma y lever Arloedh an luyow, Duw Ysrael: Evewgh, bedhewgh medhow ha hwyja, ha koedhewgh ha na sevewgh namoy, drefenn an kledha a dhannvonav dhywgh.

Yeremia 25:29

Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Habakkuk 2:16

Lenwys os gans meth yn le golewder: yv ty ynwedh ha diskwa dha gudhgenn. An hanaf yn leuv dhyghow an Arloedh a dheu dhis ha disenor a vydh war dha wolewder.