Yeremia 13:10 - An Bibel Kernewek 20234 (Kernewek Kemmyn)

¹⁰ An debel bobel ma, a nagh klewes ow geryow, hag a gerdh yn gorthter aga holonn, ha mos war-lergh duwow erell, ha'ga servya, ha'ga gordhya, a vydh avel an grogys ma, nag yw da rag travyth.

Yeremia 13:10 ပူးပေါင်းရင်းမြစ်များ

Salmow 78:8

Ha ma na vens avel aga thasow, henedh gorth ha dislen; henedh na veu fyrv aga holonn, ha nag esa aga spyrys len gans Duw.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Yeremia 11:10

I re dreylyas war-dhelergh dhe dhrogober aga hendasow, a naghas klewes ow geryow; hag i eth war-lergh duwow erell dh'aga servya; chi Ysrael ha chi Yuda re dorras ow hevambos hag a wrug vy gans aga thasow.

Yeremia 11:18

Ha'n Arloedh a ros dhymm godhvos anodho, ha my a'n godhva; ena ty a dhiskwedhas dhymm aga thebelwriansow.

Yeremia 13:7

Ena my eth dhe'n Ewfrates, ha palas, ha kemmeres an grogys a'n tyller le ma'n kudhis: hag otta, an grogys o podrek, nyns o da rag travyth.

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 20:4

Rag yndellma y lever an Arloedh: Otta, my a'th wra browagh dhis dha honan, ha dhe'th kowetha oll: hag i a goedh gans kledha aga eskerens, ha'th tewlagas a'n gwel: ha my a re Yuda oll yn leuv myghtern Babylon, hag ev a's deg yn divroedh yn Babylon, ha'ga ladha gans an kledha.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 44:16

‘A-dro dhe'n ger a gewssys dhyn yn hanow an Arloedh, ny woslowyn orthis.

Yeremia 44:5

Mes ny woslowsons na plegya skovarn, dhe dreylya a'ga drogedh, ha ma na loskons offrynnow dhe dhuwow erell.

Yeremia 5:23

Mes an bobel ma a's teves kolonn yw gorth ha diwostydh; i re dreylyas a-denewen ha gyllys yns.

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 8:5

Ytho prag y hwrug an bobel ma, Yerusalem, treylya yn kildennans pup-prys? I a syns fast dhe doell, i a nagh dehweles.

Yeremia 9:13

Hag yn-medh an Arloedh: Rag i re forsakyas ow lagha a settis a-ragdha, ha ny vons gostydh dhe'm lev, na kerdhes ynni,

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Yeremia 9:6

Hys-ha-hys toell war doell, i a nagh ow aswonn, yn-medh an Arloedh.

Niverow 14:11

Ha'n Arloedh a leveris dhe Moyses, ‘Pes termyn y hwra an bobel ma ow disenora? Ha pes termyn ny wrons krysi ynnov, yn spit dhe'n toknys oll a wrug yn aga mysk?

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.