Yeremia 12:4 - An Bibel Kernewek 20234 (Kernewek Kemmyn)

⁴ Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’

Yeremia 12:4 ပူးပေါင်းရင်းမြစ်များ

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Ysay 24:4

An nor a gyn hag a wedher, an bys a dhesygh hag a wedher; pobel ughel an norvys a wannha.

Ysay 24:6

Rakhenna molleth a dhevor an nor, ha'y annedhysi a berth aga hessydhyans. Rakhenna lehes yw annedhysi an nor, ha nebes yw gesys.

Yeremia 12:11

I a'n gwrug ynyal; ynyal, y kalar orthiv an tir oll yw gwrys ynyal, mes denvyth ny'n kemmer dhe golonn.

Yeremia 14:2

Yuda a alar, divew yw hy yetow; esedhys yns war an dor yn galarwisk; ha kri Yerusalem res eth yn-bann.

Yeremia 23:10

Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Yeremia 4:25

My a viras, hag otta nyns esa den, hag oll ydhyn an nevow re fisa.

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Yeremia 5:13

An brofoesi a vydh avel gwyns; ha nyns usi an ger ynna; yndellma y fydh gwrys dhedha.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Yeremia 9:9

A ny wrav vy aga hessydhya drefenn an traow ma? yn-medh an Arloedh: a ny vydh ow enev diellys war genedhel a'n par ma?

Hosea 4:3

Rakhenna an tir a dhesygh, ha myns eus trigys ynno a wedher, gans bestes an gwel, ydhyn an nevow; ynwedh puskes an mor a wra merwel.

Yoel 1:18

Assa wra an gwarthek hanasa! Penndegys yw an oghen, drefenn nag eus peur dhedha; devri, gwrys yn ahwer yw greow an deves.

Amos 1:2

Hag y leveris: An Arloedh a us dhiworth Sion ha dhiworth Yerusalem ev a re y lev; peurvaow an vugeledh a dhesygh, ha gwedhrys yw gwartha menydh Karmel.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Romanyon 8:22

Ni a woer an kreasyon oll dhe vos ow kyni hag ow suffra paynys warbarth kepar hag yn gwelivos bys lemmyn;