Yeremia 12:2 - An Bibel Kernewek 20234 (Kernewek Kemmyn)

² Ty re's plansas, hag i re wreydhyas: i a dyv ha doen frut: ogas os yn aga ganow, mes pell dhiworth aga diwloneth.

Yeremia 12:2 ပူးပေါင်းရင်းမြစ်များ

Job 24:12

Dhiworth an sita tus usi ow merwel a gyn, hag enev an dus woliys a gri rag gweres; mes ny wra Duw vri a'ga pysadow.

Job 5:3

My re welas an foll ow kwreydhya, mes a-dhistowgh my a villigas y annedh.

Salmow 37:35

My re welas an tebelwas didruedh, hag ev ow klasa avel baywydhenn las.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Yeremia 11:17

Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 3:10

Mes yn spit dhe oll hemma, ny dreylyas hy hwoer draytus Yuda dhymm gans oll hy holonn, mes yn fayntys, yn-medh an Arloedh.

Yeremia 45:4

Yndellma y leverydh dhodho, ‘Yndellma y lever an Arloedh: Otta, my a dhistru an pyth a dhrehevis, ha diwreydhya an pyth a blensis – henn yw, an tir oll.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Habakkuk 1:13

Re bur yw dha dhewlagas rag gweles droktra, ha ny yllydh perthi drogober. Prag y firydh ytho orth an falswesyon, ha synsi dha daves pan dhevor an tebelwas an den yw moy gwiryon agesso?

Matthew 15:8

“An bobel ma a'm enor gans aga diwweus, mes pell yw aga holonn dhiworthiv;

Mark 7:6

Mes ev a worthybis dhedha, ‘Yn ta y profoesas Ysay ahanowgh hwi, an falswesyon, dell yw skrifys: “An bobel ma a'm enor gans aga diwweus, mes pell yw aga holonn a-dhiworthiv;

Titus 1:16

I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.