Yeremia 12:14 - An Bibel Kernewek 20234 (Kernewek Kemmyn)

¹⁴ Yndellma y lever an Arloedh erbynn oll ow thebel gentrevogyon, a doch an eretons a res dhe'm pobel Ysrael dh'y erita: Otta, my a's fes yn-mes a'ga thir, ha fesya chi Yuda a'ga mysk.

Yeremia 12:14 ပူးပေါင်းရင်းမြစ်များ

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 106:47

Salw ni, A Arloedh agan Duw, ha kuntell ni yn-mes a'n kenedhlow, may hwodhven gras dhe'th hanow sans ha bostya y'th wormola.

Yeremia 2:3

Ysrael o sansoleth dhe'n Arloedh, ha kynsa frut y askorr: kablus o peub a'n devorya; drog a dheu warnedha, yn-medh an Arloedh.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Yeremia 32:37

Otta, my a's kuntell yn-mes a'n tiryow oll ma's fesyas yn ow sorr hag yn ow honnar hag yn sorrvann meur; ha my a's dre arta dhe'n tyller ma ha my a wra dhedha triga yn sawder.

Yeremia 48:1

A-dro dhe Moab. Yndellma y lever Arloedh an luyow, Duw Ysrael: Go-ev, Nebo, gwastys yw! Kiryathaym yw gorrys dhe veth ha kemmerys; Misgab yw methek hag a berth euth.

Yeremia 48:47

Mes my a dreyl kethneth Moab y'n dydhyow diwettha, yn-medh an Arloedh. Bys hemma yma an varn war Moab.

Yeremia 49:1

A-dro dhe'n Ammonysi. Yndellma y lever an Arloedh: A nyns eus mebyon dhe Ysrael? A nyns eus her dhodho? Prag ytho yth eritas Milkom Gad ha'y bobel re annedhis yn y sitys?

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Ezekiel 28:25

Yndellma y lever an Arloedh Duw: Pan guntellav chi Ysrael dhiworth an poblow le mayth esens skattrys, my a vydh sanshes ynna yn golok an kenedhlow. Ena i a drig war aga thiredh aga honan, a res vy dhe'm gwas Yakob.

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Ezekiel 36:24

My a'gas kemmer dhiworth an kenedhlow, ha'gas kuntelles dhiworth oll an powyow, ha'gas dri dh'agas tir.

Ezekiel 36:5

rakhenna yndellma y lever an Arloedh Duw: Sur yn tan ow avi my re gewsis erbynn remenant an kenedhlow, hag erbynn oll Edom a gemmeras ow thir dhedha aga honan rag eretons gans joy yn aga holonn ha despit yn aga brys, rag may fe hy feurva preydh.

Ezekiel 37:21

Lavar dhedha, Yndellma y lever an Arloedh Duw: Ottavy ow kemmeres mebyon Ysrael yn-mes a'n kenedhlow mayth ethons, ha my a's kuntell a bub tu, ha'ga dri dh'aga thiredh aga honan.

Hosea 1:11

Fleghes Yuda ha fleghes Ysrael a vydh kuntellys war-barth, hag apoyntya a wrons unn penn ha dos yn-bann dhiworth an tir, rag meur a vydh dydh Yezreel.

Zekaria 1:15

mes sorr bras a'm beus orth an kenedhlow yw attes. My a sorras nebes orta, mes i a weresas an galar.

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Dewteronomi 28:63

Kepar dell lowenhas an Arloedh yn agas kever dhe wul da dhywgh, ha dh'agas ynkressya, yndella an Arloedh a lowenha yn agas kever dh'agas diswul, ha dh'agas distrui. Hwi a vydh diwreydhys dhiwar an tir mayth esos ow tos di dh'y erita.

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.