Yeremia 12:12 - An Bibel Kernewek 20234 (Kernewek Kemmyn)

¹² An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 12:12 ပူးပေါင်းရင်းမြစ်များ

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 57:21

Nyns eus kres, yn-medh ow Duw, rag an debeles.

Yeremia 15:2

Hag y hwyrvydh, mar leverons dhis, ‘Ple'th en alemma?’ Ena ty a lever dhedha: Yndellma y lever an Arloedh: Seul yw rag mernans, dhe'n mernans; ha seul yw rag an kledha, dhe'n kledha; ha seul yw rag an divoetter, dhe'n divoetter; ha seul yw rag an gethneth, dhe'n gethneth.

Yeremia 16:5

Rag yndellma y lever an Arloedh: Na enter yn chi an kynvann, na mos dhe alari na'ga hyni: rag my re gemmeras ow kres a-dhiworth an bobel ma, yn-medh an Arloedh, an tregeredh ha'n truedh.

Yeremia 25:11

An tir oll ma a vydh ynyal ha gwast, ha'n kenedhlow ma a serv myghtern Babylon deg blydhen ha tri-ugens.

Yeremia 3:2

Drehav dha dhewlagas dhe'n ugheldiryow moel, ha mir: ple na wrowedhsons genes? Ty a esedhas ragdha y'n fordhow kepar ha'n Arab y'n gwylvos; ha ty re dhefolas an tir gans dha horyans ha'th trogedh.

Yeremia 3:21

Lev a veu klewys war an ugheldiryow moel, oelva ha pysadow mebyon Ysrael, rag i re gammdreylyas aga fordh, hag i re ankovas an Arloedh aga Duw:

Yeremia 30:5

Rag yndellma y lever an Arloedh: Ni re glewas kri a skruth, own a-der kres.

Yeremia 34:17

Rakhenna yndellma y lever an Arloedh: Ny woslewsowgh orthiv ow krontya rydhses, pubonan dh'y vroder ha pubonan dh'y gentrevek; otta, my a wront rydhses dhywgh yn-medh an Arloedh, dhe'n kledha, dhe'n pla, ha dhe'n divoetter. My a'gas gwra euth dhe oll gwlaskordhow an nor.

Yeremia 4:27

Rag yndella an Arloedh re leveris: An tir oll a vydh ynyal; mes hwath ny wrav vy kowldhistrui.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Yeremia 48:2

Ny vydh namoy gormel a Moab. Yn Heshbon i re dewlis drog er hy fynn: ‘Dewgh, treghyn hi dhe-ves ma na vo kenedhel!’ Hwi ynwedh, A Madmen, a vydh diswrys; an kledha a'th pursiw.

Yeremia 8:15

Agan govenek a veu kres, mes nyns esa dader; termyn yeghes, hag otta browagh.

Kynvannow 3:17

Ty re bellhas ow enev dhiworth kres, ny berthis kov a sewena.

Ezekiel 14:17

Po mar trov kledha war an pow na ha leverel, ‘Tremenes kledha der an pow’, ha my a dregh dhiworto den ha best,

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Ezekiel 21:4

Drefenn my dhe dreghi dhiworthis an den gwiryon ha'n tebelwas, gogledh.

Ezekiel 21:8

Ger an Arloedh a dheuth dhymm, ow leverel:

Ezekiel 21:9

Mab den, profoes ha lavar, Yndellma y lever an Arloedh: Lavar: Kledha! Kledha yw lymmys, hag ynwedh rutys splann,

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Amos 9:4

Ha kynth ons yn kethneth dherag aga eskerens, ena yth arghav dhe'n kledha, hag ev a's ladh; ha my a worr ow dewlagas warnedha rag drog, a-der rag da.

Sefania 2:12

Hwi, A Kushysi ynwedh – i a vydh ledhys gans ow kledha.

Dewteronomi 32:42

My a wra dhe'm sethow bos medhow gans goes, ha'm kledha a dheber kig – gans goes an re ledhys ha'n gethyon, dhiworth pennow ledyoryon an eskar.

Diskwedhyans 6:4

Ha margh arall eth yn-mes, onan rudh, ha grontys veu dhe neb o esedhys warnodho kemmeres kres yn-mes a'n norvys, may latthens i an eyl y gila, ha kledha meur a veu res dhodho.