Yeremia 11:20 - An Bibel Kernewek 20234 (Kernewek Kemmyn)

²⁰ Mes, A Arloedh an luyow, neb a vreus yn ewnder, neb a assay an golonn ha'n brys, gas my dhe weles dha dhial warnedha, rag dhiso jy my re dhiskwedhas ow hen.

Yeremia 11:20 ပူးပေါင်းရင်းမြစ်များ

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

2 Myghternedh 19:14

Hezekia a gemmeras an lyther dhiworth leuv an kannasow ha'y redya; ena Hezekia eth yn-bann dhe ji Arloedh ha'y lesa a-rag an Arloedh.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Job 5:8

‘My, y hwilsen Duw, ha dhe Dhuw my a gommendsa ow hen.

Salmow 139:23

Hwither vy, A Dhuw, ha godhvydh ow holonn; prov vy, ha godhvydh ow frederow;

Salmow 35:2

Dalghenn an skoes ha'n bokler, ha sav rag ow gweres.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Salmow 57:1

Bydh grassyes orthiv, A Dhuw, bydh grassyes orthiv, rag ow enev a hwila skovva ynnos; hag yn-dann skeus dha eskelli y fydh ow skovva, erna vo an droglammow ma tremenys.

Salmow 58:10

An den gwiryon a lowenha pan wel dial; ev a wolgh y dreys yn goes an tebelwas.

Salmow 7:10

Yma ow skoes gans Duw, neb a selow an re ewn aga holonn.

Salmow 7:8

An Arloedh a vreus an poblow; breus vy, A Arloedh, herwydh ow ewnder, ha herwydh ow gwiryonsys usi ynnov.

Salmow 7:9

Bedhes diwedh dhe dhrogober an debeles, mes ty gwra fastya an den gwiryon, ty neb a brev an kolonnow ha'n lonethi, an Duw gwiryon.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 12:3

Mes ty, A Arloedh, a'm aswonn: ty a'm gwel, ha previ ow holonn a-ragos. Gwra aga thenna yn-mes avel deves dhe'n ladhva, ha'ga fareusi erbynn dydh an ar.

Yeremia 15:15

A Arloedh, ty a woer: porth kov ahanav, ha'm visitya, ha'm diella war ow helghysi; na'm deg vy dhe-ves y'th hirwodhevyans; godhvydh a'th wovis jy my dhe wodhevel keredh.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Yeremia 20:12

Mes, A Arloedh an luyow, neb a brev an re wiryon, neb a wel an dhiwloneth ha'n golonn, gas vy dhe weles dha dhial warnedha: rag dhiso jy my re dhiskwedhas ow hen.

Kynvannow 3:58

Ty re bledyas, A Arloedh, kenyow ow enev, ty re dhasprenas ow bewnans.

Kynvannow 3:59

Ty re welas, A Arloedh, an drogvreus er ow fynn; gwra breusi ow hen.

Kynvannow 3:64

Attal dhedha aga gwrians A Arloedh herwydh ober aga diwleuv.

Ezekiel 11:5

Ena Spyrys an Arloedh a goedhas warnav vy, hag yn-medh ev dhymm, ‘Lavar, Yndellma y lever an Arloedh: Yndella hwi re leveris, chi Ysrael; my a woer an pythow a dheu yn agas brys.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

1 Peder 2:23

Pan veu drokhenwys, ny dhrokhenwis yn attal. Pan wodhevis, ny vraggyas, mes yth omgommyttyas dhe neb a vreus yn hwiryon.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’