Yeremia 11:19 - An Bibel Kernewek 20234 (Kernewek Kemmyn)

¹⁹ Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Yeremia 11:19 ပူးပေါင်းရင်းမြစ်များ

Job 28:13

Ny gonvedh den hy thalvosogeth, ha ny yll bos kevys yn tir an re vew.

Salmow 109:13

Bedhes y linyeth diwreydhys, ha bedhes y hanow defendys dhe-ves y'n henedh a siw.

Salmow 112:6

Rag ny wra ev trebuchya bynitha; an den gwiryon a vydh synsys yn kov bys vykken.

Salmow 116:9

My a gerdh a-dherag an Arloedh yn tir an re vew.

Salmow 142:5

My a armas warnas, A Arloedh; yn-medhav, ‘Ty yw ow skovva, ow rann yn tir an re vew.’

Salmow 27:13

Hemma a grysav, my dhe weles dader an Arloedh yn tir an re vew.

Salmow 31:13

Rag my re glewas kabel lies huni; yth esa euth a bub tu, hag i owth omgusulya war-barth er ow fynn; i a dewlis towl dhe gemmeres ow bewnans.

Salmow 35:15

Ha pan drebuchis vy, i a omguntellas yn lowen, avel estrenyon na aswonnis vy i a omguntellas er ow fynn; i a'm skwardyas heb hedhi.

Salmow 52:5

Duw ynwedh a'th tistru bynitha; ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew. Sela.

Salmow 83:4

I re leveris, ‘Dewgh, ha'ga hisya, ma na vons kenedhel, ha ma na vo hanow Ysrael yn kovadh namoy.’

Lavarow Koth 10:7

Kovadh an den gwiryon yw bennath, mes hanow an debeles a boder.

Lavarow Koth 24:15

Na gontrewayt kepar ha tebelwas ryb trigva an den gwiryon; na wra pylla y bowesva.

Lavarow Koth 7:22

Distowgh ev a's hol, par dell a an ojyon dhe'n ladhva, po dell yw karow synsys fast yn maglenn

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Ysay 38:11

My a leveris, Ny welav an Arloedh yn tir an re vew; ny virav orth den byth moy yn mysk trigoryon an norvys.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 26:8

Ha pan worfennas Yeremia ow kewsel pup-tra a worhemmynnis an Arloedh dhodho, ena an oferysi ha'n brofoesi hag oll an bobel a'n synsis, ow leverel, ‘Ty a verow yn sur!

Kynvannow 3:60

Ty re welas oll aga venjans, oll aga thebel-dowlow er ow fynn.

Ezekiel 32:24

Yma Elam ena hag oll hy routh a-dro dh'y bedh; i oll ledhys, koedhys der an kledha, gyllys yn-nans antrodreghys dhe isella rannow an norvys; i a wrug euth yn tir an re vew. I a berth aga meth gans an re a dhiyskynn dhe'n pytt.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Hosea 9:8

An profoes, gans ow Duw, yw an goelyador war Efraym; yma antell ydhna yn oll y fordhow, ha kas yn chi y Dhuw.

Niverow 1:14

a Gad: Eliasaf mab Deuel;