Yeremia 11:17 - An Bibel Kernewek 20234 (Kernewek Kemmyn)

¹⁷ Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 11:17 ပူးပေါင်းရင်းမြစ်များ

2 Samuel 7:10

Ha lemmyn my a apoynt tyller rag ow fobel Ysrael, ha my a wra aga flansa, may hyllons bewa yn aga thyller aga honan, ha ny vydhons ankresys namoy; ha ny wra mebyon sherewneth aga flagya namoy, kepar ha kyns,

2 Kroniklys 28:25

Yn pub sita ha tre yn Yuda ev a wrug tylleryow ughel rag leski offrynnow dhe dhuwow erell, ow provokya an Arloedh, Duw y dasow, dhe sorr.

Salmow 44:2

Gans dha leuv ty a fesyas an kenedhlow, mes ty a's plansas yn aga le; ty a dhistruis an poblow, mes gul dhedha triga yn aga le.

Salmow 80:15

an winlann a blansas dha leuv dhyghow, ha'n skorrenn a wrussys mar grev ragos jy dha honan.

Salmow 80:8

Ty a dhros gwinbrenn yn-mes a Ejyp; ty a dewlis dhe-ves an kenedhlow, ha'y blansa ev.

Ysay 5:2

Ev a's palas, ha kuntell an meyn yn-mes anedhi, ha plansa ynni an gwella gwinbrennyer. Ev a dhrehevis tour y'n kres anedhi, hag ynwedh ev a droghas gwinwask ynni. Ev a waytyas grappys dhe vos gwrys, mes y hwrug grappys trenk.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Yeremia 1:14

Ena an Arloedh a leveris dhymm: Yn-mes a'n gogledh tebeledh a wra tardha war oll annedhysi an tir.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 12:2

Ty re's plansas, hag i re wreydhyas: i a dyv ha doen frut: ogas os yn aga ganow, mes pell dhiworth aga diwloneth.

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 18:8

mar treyl an genedhel na, a gewsis er hy fynn, a-dhiworth hy drogedh, my a gyv edrek a'n drogedh a vynnis y wul dhedhi.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 2:21

My a'th plansas avel gwinbrenn bryntin, yn tien a hasenn bur: fatell osta ytho treylys dhymm yn plans legrys, gwinbrenn estren?

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 26:13

Ytho lemmyn gwellhewgh agas fordhow ha'gas gwriansow ha klewewgh lev an Arloedh agas Duw, ha'n Arloedh a dreyl y vrys a-dro dhe'n anfeusi re leveris er agas pynn.

Yeremia 26:19

A wrug Hezekia myghtern Yuda hag oll Yuda y worra yn hwir dhe'n mernans? A ny borthas own a'n Arloedh ha hwilas favour an Arloedh, ha'n Arloedh a dreylyas y vrys a-dro dhe'n anfeusi re leveris er aga fynn? Avel hemma ni a dhre drog meur warnan agan honan.’

Yeremia 32:29

An Kaldeanys neb a omladh erbynn an sita ma a dheu ha gorra tan ynni ha'y leski, war-barth gans an chiow may feu offrynnys ynkys dhe Baal war aga thohow hag offrynnow diwes dinewys dhe dhuwow erell dhe'm provokya dhe sorr.

Yeremia 32:30

Rag ny wrug mebyon Ysrael ha mebyon Yuda marnas drogedh a-ragov a'ga yowynkneth; rag ny wrug mebyon Ysrael travyth marnas ow frovokya dhe sorr der ober aga diwleuv, yn-medh an Arloedh.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 36:7

Y hyll bos aga fledyans dhe dhos a-rag an Arloedh, hag i oll dhe dreylya a'ga drog fordhow, rag meur yw an sorr ha konnar re leveris an Arloedh erbynn an bobel ma.’

Yeremia 40:2

Kapten an withysi a gemmeras Yeremia ha leverel dhodho, ‘An Arloedh dha Dhuw re dharganas an drog ma war an tyller ma;

Yeremia 40:3

ha lemmyn an Arloedh a'n dros, ha gul war-lergh an pyth a leveris, drefenn hwi dhe begha erbynn an Arloedh ha ny woslewsowgh y lev. Rakhenna an dra ma yw devedhys warnowgh.

Yeremia 42:10

Mar trigowgh y'n tir ma, ena my a'gas drehav, a-der agas tenna dhe'n leur; my a'gas plans ha ny'gas diwreydhyav; rag edrek a'm beus a'n anfeusi a wrug dhywgh.

Yeremia 44:5

Mes ny woslowsons na plegya skovarn, dhe dreylya a'ga drogedh, ha ma na loskons offrynnow dhe dhuwow erell.

Yeremia 44:8

orth ow frovokya dhe sorr gans ober agas diwleuv, ow leski offrynnow dhe dhuwow erell yn pow Ejyp, le may teuthewgh dhe driga, rag distrui agas honan, ha bos molleth ha keredh yn mysk oll kenedhlow an nor?

Yeremia 45:4

Yndellma y leverydh dhodho, ‘Yndellma y lever an Arloedh: Otta, my a dhistru an pyth a dhrehevis, ha diwreydhya an pyth a blensis – henn yw, an tir oll.

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Ezekiel 17:5

Ena ev a gemmeras neppyth a has an tir ha'y worra y'n dor a hasek; ryb lies dowr ev a'n plansas avel helygenn;

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.