Yeremia 11:13 - An Bibel Kernewek 20234 (Kernewek Kemmyn)

¹³ Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 11:13 ပူးပေါင်းရင်းမြစ်များ

2 Myghternedh 23:13

An myghtern a dhefolas an tylleryow ughel a'n est dhe Yerusalem, a'n soth dhe venydh an Distruyans, drehevys gans Solomon myghtern Ysrael rag Ashtoreth, mostedhes an Sidonysi, rag Kemosh, mostedhes Moab, ha rag Milkom, mostedhes an Ammonysi.

2 Kroniklys 28:25

Yn pub sita ha tre yn Yuda ev a wrug tylleryow ughel rag leski offrynnow dhe dhuwow erell, ow provokya an Arloedh, Duw y dasow, dhe sorr.

Ysay 2:8

Y wlas yw lenwys a idolys; i a wordh gweyth aga diwla, an pyth re wrug aga bysies.

Yeremia 11:17

Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 17:1

Pegh Yuda yw skrifys gans toul-skrifa a horn, ha gans poynt a adamant gravys yw war legh aga holonn, ha war gern agas alteryow,

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 19:5

Ynwedh i re dhrehevis tylleryow ughel dhe Baal, rag leski aga mebyon gans tan rag offrynnow leskys dhe Baal, tra na worhemmynnis, na kewsel, na ny dheuth y'm brys.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 3:24

‘Rag meth re dhevoryas lavur agan tasow a-dhia agan yowynkneth; aga flokkys ha'ga greow, aga mebyon ha'ga myrghes.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 44:21

‘An offrynnow a lesksowgh yn trevow Yuda hag yn stretow Yerusalem, hwi ha'gas tasow, agas myghternedh ha'gas pennsevigyon, ha pobel an tir, a ny wrug an Arloedh perthi kov anedha? A ny dheuth yn y vrys?

Yeremia 44:5

Mes ny woslowsons na plegya skovarn, dhe dreylya a'ga drogedh, ha ma na loskons offrynnow dhe dhuwow erell.

Yeremia 48:35

Ha my a dhre diwedh yn Moab, yn-medh an Arloedh, dhodho ev neb a offrynn sakrifis yn tyller ughel ha leski offrynnow dh'aga duwow.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Ezekiel 16:24

ty a dhrehevis growedhva ragos, ha gul ragos tyller ughel yn pub plen.

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.

Hosea 12:11

Eus droktra yn Gilead? Yn hwir yth yns i koegyon! A sakrifions terewi yn Gilgal? Aga alteryow ynwedh a vydh avel kals meyn war fynnglow an gwel.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.