Yeremia 10:8 - An Bibel Kernewek 20234 (Kernewek Kemmyn)

⁸ Mes i yw ha gokki ha foll; dyskans idolys a brenn yw euveredh.

Yeremia 10:8 ပူးပေါင်းရင်းမြစ်များ

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Yeremia 10:14

Pubonan yw gokki ha heb skians: pub teudher a gemmer meth a'y imaj gravys; rag y imaj teudhys yw fals, ha nyns eus anall ynna.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Ysay 44:19

Ny breder nagonan yn y golonn, na nyns eus godhvos na konvedhes dhe leverel, ‘Hanter anodho re loskas y'n tan, ynwedh my a bebis bara war y regydh, my a rostyas kig ha dybri. A wrav vy tra gasadow a'y remenant? A wrav vy koedha dhe'n dor a-rag stokk a brenn?’

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Salmow 135:18

Aga gwrioryon yw haval dhedha, seul a fydh ynna.

Salmow 115:8

An re a's gwra yw kehaval dhedha; hag ynwedh oll an re a drest ynna.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Ysay 44:18

Ny wodhons, na ny gonvedhons; rag aga dewlagas yw drogurys bys ma na welons, ha'ga holonn bys ma na gonvedhons.

Yeremia 3:9

Hag y hwarva drefenn skavder hy horyans, hi dhe dhefola an tir, ha gul avoutri gans men ha gans prenn.

Yeremia 5:4

Ytho my a leveris, ‘Yn sur boghosek yw an re ma; gokki yns: rag ny wodhons fordh an Arloedh, na breus aga Duw.

Yona 2:8

An re a wra vri a idolys euver a forsak aga thregeredh aga honan.