Yeremia 10:4 - An Bibel Kernewek 20234 (Kernewek Kemmyn)

⁴ I a's takel gans arghans ha gans owr; i a's takk gans kentrow ha gans mortholow ma na yll gwaya.

Yeremia 10:4 ပူးပေါင်းရင်းမြစ်များ

Salmow 115:4

Aga imajys yw arghans hag owr, ober diwleuv den.

Salmow 135:15

Imajys an kenedhlow yw arghans hag owr, ober diwleuv den.

Ysay 44:12

An gov a gemmer toul, hag oberi ganso war regydh, ha shapya imaj gans mortholow, ha'y wul gans nerth y vregh; dhodho yma nown ha'y nerth a fyll, ny yv dowr, hag ev a glamder.

Ysay 46:6

An re a skoell owr yn hel dhiworth an pors, hag a boes arghans y'n mantolyow, i a arveth owrer neb a'n gwra duw; ena i a goedh dhe'n dor ha gordhya.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.