Yeremia 10:20 - An Bibel Kernewek 20234 (Kernewek Kemmyn)

²⁰ Ow thylda yw diswrys, hag oll ow herdyn yw terrys: ow fleghes yw gyllys ahanav, ha nyns esons namoy: nyns eus nagonan dhe lesa ow thylda namoy, na dhe sevel ow kroglennow.

Yeremia 10:20 ပူးပေါင်းရင်းမြစ်များ

Job 7:8

Ny wra lagas Duw neb a'm aspi ow gweles arta; dha dhewlagas a vydh warnav, mes gyllys vydhav.

Lavarow Koth 12:7

An debeles yw domhwelys ha nyns esons na fella, mes chi an re wiryon a sev.

Ysay 51:16

My re worras ow geryow yn dha anow, ha'th kudha yn skeus ow leuv, owth ystynn an nevow, hag ow fondya selyow an norvys, hag ow leverel dhe Sion, ‘Ty yw ow fobel.’

Ysay 51:18

Nyns eus denvyth dh'y hembronk yn mysk oll an vebyon re omdhuk; nyns eus denvyth dh'y synsi er an dhorn yn mysk oll an vebyon re vagas.

Ysay 54:2

Ledanha tyller dha dylda, ha bedhes kroglennow dha annedhow ystynnys; na spar; hirha dha gerdyn, ha krevha dha ebilyer.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 31:15

Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Kynvannow 1:5

Hy eskerens re dheuth ha bos penn, sewen yw hy envi, rag an Arloedh re's grevyas drefenn myns hy threuspassow; hy fleghes res eth yn kethneth a-rag an eskar.

Mika 2:9

Gwragedh ow fobel a fesyowgh a'ga chiow plesont; dhiworth aga fleghesigow hwi a gemmer dhe-ves ow golewder bynitha.