Yeremia 10:16 - An Bibel Kernewek 20234 (Kernewek Kemmyn)

¹⁶ Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 10:16 ပူးပေါင်းရင်းမြစ်များ

Salmow 119:57

Ty yw ow rann, A Arloedh. My a ambos synsi dha eryow.

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 142:5

My a armas warnas, A Arloedh; yn-medhav, ‘Ty yw ow skovva, ow rann yn tir an re vew.’

Salmow 33:6

Dre er an Arloedh an nevow a veu gwrys, hag oll aga lu gans anall y anow.

Salmow 73:26

Ow hig ha'm kolonn a fyll, mes Duw yw nerth ow holonn ha'm rann bys vykken.

Salmow 74:2

Porth kov a'th kuntelles a brensys seuladhydh, loeth dha ertach a dhasprensys, ha menydh Sion may trigsys ynno.

Eksodus 19:5

Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Lavarow Koth 16:4

An Arloedh re wrug pup-tra rag porpos, ynwedh an tebelwas rag dydh a derroes.

Ysay 19:25

Arloedh an luyow a's bennik, ow leverel, ‘Benniges re bo ow fobel Ejyp, hag ober ow diwla Assyria, hag Ysrael ow eretons.’

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 47:4

Agan dasprenyas, Arloedh an luyow y hanow, an Sans a Ysrael.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Ysay 51:15

Rag my yw an Arloedh, dha Dhuw, neb a ankres an mor, may tarenno an tonnow; Arloedh an luyow yw ow hanow.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Yeremia 10:12

Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Yeremia 31:35

Yndellma y lever an Arloedh, a re an howl rag golow dydh hag ordena an loer ha'n ster rag golow nos, a rann an mor may hwromm an tonnow – Arloedh an luyow yw y hanow.

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Yeremia 33:2

Yndellma y lever an Arloedh a wrug an nor, an Arloedh a'n formyas dh'y fastya – an Arloedh yw y hanow:

Yeremia 46:18

Dell vewav, yn-medh an Myghtern, ha'y hanow Arloedh an luyow, nebonan a dheu kepar ha Tabor y'n menydhyow, ha kepar ha Karmel ryb an mor.

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Yeremia 51:19

Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.

Kynvannow 3:24

‘Ow rann yw an Arloedh’, yn-medh ow enev, ‘rakhenna govenek a'm beus ynno.’

Amos 4:13

Rag otta, ev neb a form an menydhyow ha gul an gwyns, neb a dheklar y vrys dhe vab-den; neb a dreyl an myttin dhe dewlder, ha stankya war dylleryow ughel an norvys – an Arloedh, Duw an luyow yw y hanow!

Zekaria 2:12

An Arloedh a wra erita Yuda avel y rann y'n tir sans hag ev a dhewis Yerusalem arta.

Dewteronomi 32:9

Rag rann an Arloedh yw y bobel; Yakob yw kevrenn y eretons.