Yeremia 10:15 - An Bibel Kernewek 20234 (Kernewek Kemmyn)

¹⁵ Euver yns, pythow skornys: yn termyn aga hessydhyans i a dhe goll.

Yeremia 10:15 ပူးပေါင်းရင်းမြစ်များ

Salmow 115:9

A Ysrael, trest y'n Arloedh; ev yw aga gweres ha'ga skoes.

Ysay 41:24

Otta, hwi yw mann, ha'gas ober yw mann, tra gasadow yw neb a'gas dewis.

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Ysay 57:12

My a dhiskler dha ewnder ha'th oberow, ha ny vydhons dhe les dhis.

Yeremia 10:11

Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 43:12

Ev a dhew tan yn chiow duwow Ejyp. Ev a's lesk, ha'ga doen dhe-ves yn kethneth, hag ev a lanha pow Ejyp, par dell lanha bugel y dhillas; hag ev a omdenn alena yn kres.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Yeremia 51:18

Euver yns, ober rag ges; yn termyn aga hessydhyans i a dhe goll.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Yona 2:8

An re a wra vri a idolys euver a forsak aga thregeredh aga honan.

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

1 Samuel 12:21

ha na dreylyewgh a-denewen ow chasya war-lergh taklow na's teves prow, na yll gwaynya na delivra, rag heb prow yns.

1 Samuel 5:4

Ha pan sevis tus Ashdod ternos a-varr, otta Dagon re goedhsa war y fas dhe'n dor a-dherag argh an Arloedh, hag yth esa penn Dagon ha palvow y dhiwla ow krowedha treghys dhe-ves war an treudhow; nyns esa marnas stokk Dagon gesys dhodho.