Yeremia 10:12 - An Bibel Kernewek 20234 (Kernewek Kemmyn)

¹² Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Yeremia 10:12 ပူးပေါင်းရင်းမြစ်များ

Jenesis 1:1

Y'n dalleth Duw a formyas an nev ha'n nor.

Jenesis 2:5

Pan nag esa hwath prysk an gwel y'n dor, ha pan na devis hwath losow an gwel, rag ny wrussa an Arloedh Duw gasa glaw dhe goedha war an norvys, ha nyns esa den dhe wonedha an dor,

1 Kroniklys 16:26

Rag oll duwow an bobel yw idolys, mes an Arloedh a wrug an nevow.

Job 26:7

Ev a ystynn ebron an kledh a-ugh an wagva, hag ev a greg an bys war dravyth.

Job 37:18

A yllydh, kepar hag ev, ystynn an nevow, mar grev avel mirour teudhys?

Job 9:8

Ev y honan a ystynn an nevow, ha stankya war vordonnow an mor.

Salmow 104:2

ty a omwisk yn golow kepar hag yn kweth, ha ty a dhisplet an nevow avel kroglenn;

Salmow 104:24

A Arloedh, ass yw lies dha wriansow! Yn furneth ty a's gwrug, i oll; an nor yw leun a'th kreaturs.

Salmow 119:90

Yma dha lelder a unn henedh dhe'n nessa; ty re selyas an nor, hag ev a sev.

Salmow 24:2

Rag ev re'n selyas war an moryow, ha'y fastya war an dowrow.

Salmow 33:6

Dre er an Arloedh an nevow a veu gwrys, hag oll aga lu gans anall y anow.

Salmow 65:7

Ev a spavennha tros an mor, tros an mordonnow ha freudh an poblow.

Salmow 78:69

Hag ena ev a dhrehevis y sentri mar ughel avel an nevow, avel an nor re fastyas bynitha.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Lavarow Koth 3:19

An Arloedh dre furneth a fondyas an norvys, dre gonvedhes ev a selyas an nevow;

Lavarow Koth 30:4

Piw a yskynnas dhe nev hag a dhiyskynnas? Piw a guntellas an gwyns yn palv y dhorn? Piw a vaylyas an dowrow yn dillasenn? Piw a fondyas oll pennow an norvys? Pyth yw y hanow, ha pyth yw hanow y vab? Yn sur, ty a woer!

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ysay 40:22

Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 45:12

My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 48:13

Ow dorn a fondyas an norvys, ha'm dorn dhyghow a lesas an nevow; pan y's galwav, i a sev a-ragov war-barth.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Yowann 1:3

Pup-tra a veu gwrys ganso, ha hebdho ny veu gwrys travyth a veu gwrys.

Kolossianys 1:16

rag ynno ev y feu pup-tra gwrys y'n nevow ha war an nor, hewel ha diwel, tronys, dominasyons, prynsipatys po potestatys; pup-tra a veu gwrys dredho ev ha ragdho ev.