Yeremia 1:9 - An Bibel Kernewek 20234 (Kernewek Kemmyn)

⁹ Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Yeremia 1:9 ပူးပေါင်းရင်းမြစ်များ

Ysay 49:2

Ev a wrug ow ganow avel kledha lymm, yn skeus y dhorn ev a'm kudhas; ev a'm gwrug seth lymmys, yn goen y sethow ev a'm kelas.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 51:16

My re worras ow geryow yn dha anow, ha'th kudha yn skeus ow leuv, owth ystynn an nevow, hag ow fondya selyow an norvys, hag ow leverel dhe Sion, ‘Ty yw ow fobel.’

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Yeremia 15:19

Rakhenna yndellma y lever an Arloedh: Mar tehwelydh, ena my a'th taskemmer, ha ty a sev arta a-ragov: ha mar leverydh an pyth yw drudh a-der an pyth yw divri, ty a vydh avel leveryas ragov: gas i dhe dhehweles dhiso jy, mes ty na dhehwel dhedha i.

Yeremia 34:6

Ena Yeremia an profoes a gewsis oll an geryow ma dhe Sedekia myghtern Yuda, yn Yerusalem,

Yeremia 36:2

Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 5:14

Rakhenna yndellma y lever an Arloedh, Duw an luyow, Drefenn hwi dhe gewsel an ger ma, otta, my a wra ow geryow tan yn dha anow, ha'n bobel ma prenn, ha'n tan a wra aga devorya.

Ezekiel 3:10

Hag yn-medh ev dhymm: Mab den, oll an geryow a gowsav orthis, kemmer i y'th kolonn, ha'ga klewes gans dha dhiwskovarn.

Daniel 10:10

Hag awotta dorn orth ow thochya, ha'm settya ow krena war ow dewlin ha palvow ow diwleuv.

Daniel 10:16

Hag otta, onan haval dhe vab-den a dochyas ow diwweus; hag my a igoras ow ganow ha kewsel. Dhodho ev neb esa ow sevel a-ragov y leveris, ‘Ow arloedh, drefenn an welesigeth re dheuth gloesow warnav, ha ny'm beus nerth namoy.

Niverow 23:5

Ha'n Arloedh a worras ger yn ganow Balaam, ha leverel, ‘Dehwel dhe Balak, hag yndellma y kewsydh.’

Matthew 10:19

Mes pan wrons agas daskorr na vedhewgh prederus fatell po pandr'a leverowgh; rag y fydh res dhywgh y'n eur na an dra y koedh dhywgh y leverel;

Mark 7:33

Hag ev a'n kemmeras a-denewen yn-mes a'n routh, hag a worras y vysies yn y dhiwskovarn, hag a drewas, ha tochya y daves;

Luk 12:12

rag an Spyrys Sans a dhysk dhywgh y'n eur na pandr'a goedh dhywgh y leverel.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Dewteronomi 18:16

Hemm yw herwydh pup-tra a wovynnsys dhiworth an Arloedh dha Dhuw orth Horeb yn dydh an kuntellyans, ow leverel, ‘Na as vy dhe glewes lev an Arloedh ow Duw byth moy, na weles an tan bras ma arta, ma na verwiv.’

Dewteronomi 18:17

Ha'n Arloedh a leveris dhymm ‘Da yw an pyth a gowssons.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.