Yeremia 1:7 - An Bibel Kernewek 20234 (Kernewek Kemmyn)

⁷ Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Yeremia 1:7 ပူးပေါင်းရင်းမြစ်များ

1 Myghternedh 22:14

Mes Mikaya a leveris, ‘Dell vew an Arloedh, pyth pynag a lever an Arloedh dhymm, henna y kowsav.’

1 Myghternedh 3:7

Ha lemmyn, A Arloedh ow Duw, ty re wrug dha was myghtern yn le ow thas Davydh, kynth ov marnas flogh byghan; ny wonn fatell ylliv yn-mes na dos a-ji.

2 Kroniklys 18:13

Mes Mikaya a leveris, ‘Dell vew an Arloedh, pypynag a lavarro ow Duw, henna a lavarav.’

Eksodus 6:29

an Arloedh a leveris dhe Moyses, ‘My yw an Arloedh; lavar dhe Faro myghtern Ejyp pup-tra a lavarav dhis.’

Yeremia 26:2

Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yeremia 43:1

Pan worfennas Yeremia kewsel dhe oll an bobel oll geryow an Arloedh aga Duw, ha gansa may hwrug an Arloedh aga Duw y dhannvon dhedha,

Yeremia 7:27

Ytho ty a gews oll an geryow ma dhedha; mes ny wrons goslowes orthis: ty a elow dhedha; mes ny worthybons dhis.

Ezekiel 2:7

Kows ow geryow orta, mar koslowons po mar skonyons; rag chi diwostydh yns i.

Ezekiel 3:27

Mes pan gowsav orthis, my a iger dha anow, ha ty a lever dhedha, ‘Yndellma y lever An Arloedh Duw.’ Ev neb a glew, klewes; hag ev neb a skon, skonys; rag chi diwostydh yns i.

Amos 7:15

ha'n Arloedh a'm kemmeras dhiworth holya an flokk, ha'n Arloedh a leveris dhymm: “Ke, gwra profoesa dhe'm pobel Ysrael.”

Yona 3:2

‘Sav, ke dhe Nineve, an sita vras, ha pregoth dhedhi an messaj a lavarav dhis.’

Niverow 22:20

Ha Duw a dheuth dhe Balaam y'n nos ha leverel dhodho, ‘Mar teuva an wer dhe'th elwel, ke gansa; mes marnas an pyth a worhemmynnav, ty a'n gwra.’

Niverow 22:38

Balaam a leveris dhe Balak, ‘Otta, my re dheuth dhis! A ny vydh dhymm galloes vyth dhe leverel neppyth a'm honan? An ger a worr Duw y'm ganow, henna y tal dhymm kewsel.’

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Oberow 20:27

rag ny omwithis vy rag derivas dhywgh oll an gusul a Dhuw.