Yeremia 1:18 - An Bibel Kernewek 20234 (Kernewek Kemmyn)

¹⁸ Rag, otta, my re'th wrug y'n jydh ma sita gerys, ha koloven a horn, ha fosow a vrons erbynn an tir kowal, erbynn myghternedh Yuda, erbynn aga fennternedh, erbynn aga oferysi, hag erbynn pobel an tir.

Yeremia 1:18 ပူးပေါင်းရင်းမြစ်များ

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 15:10

Go-vy, ow mamm, ma'm omdhuges, gour a strif ha gour a gedrynn dhe oll an nor! Ny res vy prestenn, na ny brestis tus dhymmo vy: mes hwath peub anedha a'm millik.

Yeremia 15:20

Ha my a'th wra dhe'n bobel ma fos kerys a vrons; hag i a omladh er dha bynn, mes ny yllons dha fetha, rag my a vydh genes dhe'th selwel ha'th telivra, yn-medh an Arloedh.

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Yeremia 21:4

Yndellma y lever an Arloedh, Duw Ysrael: My a dreyl an arvow bresel usi yn agas diwdhorn, gansa mayth omledhewgh erbynn myghtern Babylon, hag erbynn an Kaldeanys, a wra esedhva warnowgh a-ves dhe'n fosow, ha my a's kuntell yn kres an sita ma.

Yeremia 26:24

Byttegyns yth esa leuv Ahikam mab Shafan gans Yeremia ma na veu res yn leuv an bobel dh'y worra dhe'n mernans.

Yeremia 34:3

Ha ty dha honan, ny dhienkydh a'y leuv, mes dalghennys vydhydh yn sur ha delivrys yn y leuv; dha dhewlagas a welvydh myghtern Babylon, hag ev a gews genes ganow dhe anow; ha ty a dhe Babylon.

Yeremia 37:7

Yndellma y lever an Arloedh, Duw Ysrael: Yndellma hwi a lever dhe vyghtern Yuda, a'gas tannvonas dhymm dhe wovynn a-dro dhymm: Lu Faro esa ow tos dh'agas gweres, a dhehwel dhe Ejyp, dh'aga thir aga honan.

Yeremia 38:18

Mes mar nyns edh yn-mes dhe bennsevigyon myghtern Babylon, ena an sita ma a vydh res yn leuv an Kaldeanys, hag i a's lesk gans tan, ha ty ny dhienkydh a'ga leuv.’

Yeremia 38:2

Yndellma y lever an Arloedh, Neb a worta y'n sita ma a verow gans an kledha, gans an divoetter ha gans an pla; mes neb a yn-mes dhe'n Kaldeanys a vew; rag ev a'n jevydh y vewnans avel preydh, hag ev a vew.

Yeremia 42:22

Godhvydhewgh ytho yn ta, hwi a verow gans an kledha, gans an divoetter ha gans an pla y'n tyller may fynnowgh mos ha triga.’

Yeremia 6:27

My re'th wrug assayer a alkan yn mysk ow fobel, ha purheor rag may hwodhvi hag assaya aga fordhow.

Yowann 1:42

Ev a'n dros dhe Yesu. Yesu a viras orto ha leverel, ‘Ty yw Simon mab Yowann. Ty a vydh henwys Kefas’ (yw treylys, Karrek).

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.