Yeremia 1:16 - An Bibel Kernewek 20234 (Kernewek Kemmyn)

¹⁶ Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 1:16 ပူးပေါင်းရင်းမြစ်များ

2 Myghternedh 22:17

drefenn i dhe'm forsakya ha leski offrynnow dhe dhuwow erell, ow provokya ow sorr gans oll oberow aga diwla; rakhenna ow honnar a vydh enowys erbynn an tyller ma, ha ny vydh difeudhys.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 28:2

mes ev a gerdhas yn fordhow myghternedh Ysrael. Ynwedh ev a wrug imajys teudh rag an Baalim;

2 Kroniklys 34:25

Drefenn i dhe'm gasa ha leski offrynnow dhe dhuwow erell, bys ma'm sorrsons gans oll oberow aga diwdhorn, ow honnar a vydh diverys war an tyller ma, ha ny vydh difeudhys.

2 Kroniklys 7:19

‘Mes mar treylydh a-denewen ha gasa ow ordenansow ha'm gorhemmynnow re worris a-ragos, ha mones ha servya duwow erell ha'ga gordhya,

Ysay 2:8

Y wlas yw lenwys a idolys; i a wordh gweyth aga diwla, an pyth re wrug aga bysies.

Ysay 37:19

ha re dewlis aga duwow y'n tan. I a's distruis, rag ny vons duwow, mes gweyth diwla den, prenn ha men.

Ysay 44:15

Ena y teu ha bos keunys rag den. Ev a gemmer rann anedha hag a omdoemm; ev a enow tan hag a beb bara; ynwedh y hwra duw ha'y wordhya, ev a wra imaj gravys hag a goedh dhe'n dor a-ragdho.

Ysay 65:3

pobel usi orth ow frovokya dhe sorr dhe'm fas heb hedhi, usi prest ow sakrifia y'n lowarthyow hag ow leski offrynnow war alteryow brykkys;

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 10:3

Rag ordenansow an bobel yw euver: gwydhenn a'n goeswik yw treghys, gweyth leuv an ser, gans an voel.

Yeremia 11:12

Ena sitys Yuda hag annedhysi Yerusalem a wra mos, ha kria war an duwow may sakrifions dhedha: mes ny's sawyons vytholl yn termyn aga foenvos.

Yeremia 11:17

Rag Arloedh an luyow, neb a'th plansas, re gewsis drogedh er dha bynn, rag an drogedh a wrug chi Ysrael ha chi Yuda, orth ow brovokya dhe sorr dre leski offrynnow dhe Baal.

Yeremia 15:6

Ty re'm denaghas, yn-medh an Arloedh, ty yw gyllys war-dhelergh: ytho my a ystynn ow leuv er dha bynn, ha'th tistrui; skwith ov ow koedha yn edrek.

Yeremia 16:11

ena ty a lever dhedha: Drefenn agas tasow dhe'm forsakya, yn-medh an Arloedh, ha kerdhes gans duwow erell, ha'ga servya i, ha'ga gordhya i, ha'm forsakya, ha ny withsons ow lagha;

Yeremia 17:13

A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 19:4

Drefenn i dhe'm forsakya, ha defola an tyller ma, ha leski offrynnow ynno dhe dhuwow erell, na aswonnsons i na aga thasow, na myghternedh Yuda, ha lenwel an tyller ma a woes tus wiryon.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 4:12

gwyns leun a'n tylleryow na a wra dos dhe'm arghadow: lemmyn ynwedh yth esov ow ri breus er aga fynn.

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Yeremia 44:17

Yn le henna, ni a wra pup-tra re ambossyn, dhe leski ofrrynnow dhe vyghternes nev ha dinewi offrynnow diwes dhedhi, par dell wrussyn, ni ha'gan tasow, agan myghternedh, ha'gan pennsevigyon yn trevow Yuda hag yn stretow Yerusalem. Rag ena ni a'gan bo palster a voes, ha seweni heb gweles anfeus.

Yeremia 5:29

A ny wrav aga hessydhya drefenn an traow ma? yn-medh an Arloedh, a ny vydh ow enev diellys war genedhel a'n par ma?

Yeremia 5:9

A ny wrav aga hessydhya drefenn an traow ma? yn-medh an Arloedh: hag a ny vydh ow enev diellys war genedhel a'n par ma?

Yeremia 51:17

Pubonan yw talsogh ha heb godhvos; pub owrer a's teves meth drefenn y idolyow; rag y imajys teudh yw fals, ha nyns eus anall ynna.

Yeremia 7:17

A ny welydh an pyth a wrons yn sitys Yuda hag yn stretow Yerusalem?

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Ezekiel 16:18

Ty a gemmeras dha bowsyow brosys dh'aga hudha, ha settya ow olew ha'm ynkys a-ragdha.

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Hosea 11:2

Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 8:6

Rag dhiworth Ysrael yth yw! Ser a'n gwrug, ha nyns yw Duw. Leugh Samaria a vydh skyrr.

Yoel 2:11

Ha'n Arloedh a wra dyllo y lev a-dherag y lu, rag y gaslys yw pur vras, ha krev yw ev neb a gollenow y er. Rag meur yw dydh an Arloedh ha pur euthyk; ha piw a yll y berthi?

Oberow 7:41

Hag y'n dydhyow na i a formyas leugh hag offrynna sakrifis dhe'n idol ha lowenhe yn oberow aga diwla.

Dewteronomi 28:20

An Arloedh a dhannvon warnas molleth, ha skruth, ha keredh yn pup-tra may hworrydh dha leuv warnodho bys pan vydhydh distruys, ha bys pan edh dhe goll yn tromm, drefenn droktra dha wryth, orth ow forsakya.

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Yoshua 24:20

Mar forsakyowgh an Arloedh ha servya duwow estren, ev a dreyl ha gul drog dhywgh, ha'gas distrui, wosa ev dhe wul da dhywgh.’

Diskwedhyans 9:20

Ha'n re erell a vab-den na veu ledhys gans an plaow ma, ny gemmeras edrek hwath a wriansow aga diwla, dhe omwitha dhiworth gormel dywolow hag idolys owrek, hag arghansek, hag a vrest hag a brenn na yllons gweles na klewes na kerdhes.