Yeremia 1:13 - An Bibel Kernewek 20234 (Kernewek Kemmyn)

¹³ Ha ger an Arloedh a dheuth dhymm y'n nessa prys, ow leverel, ‘Pandr'a welydh?’ Ha my a leveris, ‘My a wel kalter ow pryjyon; ha'n fas anodho yma dhe'n gogledh.’

Yeremia 1:13 ပူးပေါင်းရင်းမြစ်များ

Jenesis 41:32

Ha rag bos an hunros diskwedhys diwweyth dhe Faro, sur yw, an dra dhe vos fondys gans Duw hag yma Duw ow fistena dh'y wul.

Ysay 55:11

yndella y fydh ow ger hag a dheu dhiworth ow ganow; ny dhehwel dhymm gwag, mes ev a gowlwra ow bodh, hag a sewen y'n dra may hwrugavy y dhannvon ragdho.

Yeremia 24:3

Ena an Arloedh a leveris dhymm, ‘Pandr'a welydh, Yeremia?’ Ha my a leveris, ‘Figys; an figys da, pur dha; ha'n re drog, pur dhrog, mar dhrog ma na yllens bos dybrys.’

Ezekiel 11:3

Yn-medhons, “Nyns yw ogas an termyn rag drehevel chiow; an sita yw an galter ha ni yw an kig.”

Ezekiel 11:7

Rakhenna yndellma y lever an Arloedh Duw: An korfow re worrsowgh y'n kres anedhi, i yw an kig, ha hi yw an galter, mes my a'gas dre yn-mes dhiworti.

Ezekiel 12:28

Rakhenna lavar dhedha, Yndellma y lever an Arloedh Duw: Ny vydh delatys na fella nagonan a'm geryow; an ger a gowsav a vydh gwrys, yn-medh an Arloedh Duw.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Zekaria 4:2

Ev a leveris dhymm, ‘Pandr'a welydh?’ My a worthybis, ‘My a viras, hag otta kantoler gwrys oll yn tien a owr, ha bolla war y benn ha seyth lugarn warnodho, ha seyth pibenn dhe'n lugern usi war y benn.