Yeremia 1:10 - An Bibel Kernewek 20234 (Kernewek Kemmyn)

¹⁰ Mir, my re'th apoyntyas hedhyw war an kenedhlow ha war an gwlaskordhow, dhe dhiwreydhya, ha dhe derri dhe'n dor, dhe dhistrui, ha dhe dhiswul; dhe dhrehevel ha dhe blansa.’

Yeremia 1:10 ပူးပေါင်းရင်းမြစ်များ

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 19:17

Piw pynag a dhienk kledha Hazael, Yehu a ladh; ha piw pynag a dhienk kledha Yehu, Elisha a ladh.

Ekklesiastes 3:3

Prys ladha ha prys sawya; prys terri dhe'n leur ha prys drehevel.

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 25:13

Ha my a dhre war an tir na oll ow geryow a leveris er y bynn, pup-tra yw skrifys y'n lyver ma, a brofoesas Yeremia erbynn oll an kenedhlow.

Yeremia 31:28

Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 31:40

An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Yeremia 36:2

Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 44:27

Otta, my a with warnedha rag drog a-der dader; pub gour a Yuda usi yn pow Ejyp a vydh distruys gans an kledha ha gans an divoetter, bys pan vo diwedh anedha.

Yeremia 45:4

Yndellma y leverydh dhodho, ‘Yndellma y lever an Arloedh: Otta, my a dhistru an pyth a dhrehevis, ha diwreydhya an pyth a blensis – henn yw, an tir oll.

Ezekiel 21:19

Ty, A vab den, gwra ragos dha honan diw fordh rag kledha myghtern Babylon dhe dhos warnedha, aga diw ow tos yn-mes a'n keth pow; gwra post-arwoedh ha'y settya orth penn an fordh dhe'n sita.

Ezekiel 23:36

An Arloedh a leveris dhymm: Mab den, a vreusydh Ohola hag Oholiba? Ena diskler dhedha aga gweythresow kasadow.

Ezekiel 32:18

Mab den, kyn war routh Ejyp, ha towl hi yn-nans, hi ha'n myrghes a genedhlow galloesek, bys yn rannow isella an norvys, gans an re a dhiyskynn dhe'n pytt.

Ezekiel 36:36

An kenedhlow gesys a-dro dhywgh a woer y hwrug my, an Arloedh, drehevel an tylleryow distruys, ha plansa an tylleryow ynyal. My, an Arloedh, re gewsis, ha my a'n gwra..

Ezekiel 43:3

An welesigeth a welis o haval dhe'n welesigeth a welis pan dheuth dhe dhistrui an sita, ha kepar ha'n welesigeth a welis ryb an avon Kebar; ha my a goedhas war ow fas.

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’