Titus 3:7 - An Bibel Kernewek 20234 (Kernewek Kemmyn)

⁷ may teffyn ha bos heryon war-lergh govenek bewnans heb worfenn, justifiys gans y ras.

Titus 3:7 ပူးပေါင်းရင်းမြစ်များ

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Mark 10:17

Ha pan esa ev ow mos yn-kerdh war an fordh, nebonan a boenyas dhodho ha koedha war benn-dewlin a-ragdho, ha govynn orto, ‘A Vester mas, pandr'a wrav may hylliv erita bewnans heb diwedh?’

Romanyon 11:6

Ha mars yw a ras, nyns yw na fella a oberow, po ny via gras na fella gras.

Romanyon 3:24

justifiys yns gans y ras yn ro, der an daspren usi yn Krist Yesu,

Romanyon 3:28

Rag ni a syns den dhe vos justifiys dre fydh a-der der oberow an lagha.

Romanyon 4:16

Ytho an ambos a dheu dhiworth fydh, may fo dre ras ha may fo surhes dhe oll y dhiyskynnysi – na vo unnsel dhe'n re a hol an lagha mes ynwedh dhe'n re usi a fydh Abraham, neb yw tas dhyn ni oll.

Romanyon 4:4

Lemmyn dhe neb a lavur nyns yw an gober reknys avel ro mes avel kendon.

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Galatianys 2:16

ow konvedhes nag yw denvyth ewnhes der oberow a'n lagha mes dre fydh yn Krist Yesu, ha nyni a grysis yn Krist Yesu, may fen ni justifiys dre fydh yn Krist hag a-der der oberow a'n lagha; rag ny vydh kig vytholl justifiys der oberow a'n lagha.

Galatianys 3:29

ha mars owgh hwi dhe Grist, ytho yth owgh hwi has Abraham, heryon herwydh ambos.

Galatianys 4:7

Ytho nyns osta keth na fella mes mab; ha mars osta mab ytho ynwedh her dre Dhuw.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Titus 2:11

Rag gras Duw re omdhiskwedhas, ow tri selwyans dhe bub den oll

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 11:9

Dre fydh ev a dheuth dhe driga yn tir an ambosow, avel estren, trigys yn tyldow gans Ysak ha Yakob, kes-heryon a'n keth ambos.

Ebrowyon 6:17

Ytho, pan vynnas Duw diskwedhes dhe glerra dhe eryon an ambos gnas antreylyadow y dowl, ev a'n fastyas gans ti

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 3:7

Y'n keth vaner an wer, gwrewgh kesvewa gansa yn konvedhes, ow tiskwedhes enor dhe'n wreg avel dhe'n gwanna lester, kepar ha dhe heryon genowgh ynwedh a'n ras a vewnans, ma na vo lettys agas pysadow.