Titus 3:2 - An Bibel Kernewek 20234 (Kernewek Kemmyn)

² heb leverel drog a dhenvyth, heb kedrynna, klor, hag ow tiskwedhes pub uvelder dhe dus oll.

Titus 3:2 ပူးပေါင်းရင်းမြစ်များ

Efesianys 4:31

Bedhes pub hwerowder ha sorr ha konnar ha garma serrys ha sklander gorrys mes ahanowgh, gans pub drog.

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

1 Timothi 3:3

heb eva re nag omdhal, mes klor, ha digavyllek, heb kara mona;

1 Peder 3:10

‘Neb a vynn kara bewnans ha gweles dydhyow da, fronnes ev y daves a dhrog ha'y dhiwweus a gewsel toell.

1 Peder 3:8

Wor'tiwedh, bedhewgh hwi oll a'n keth brys, ow keskodhevel, ow kara an vreder, truedhek, uvel,

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

Galatianys 6:10

Ytho, hedre vo spas dhyn, gwren ni da dhe bubonan, ha kyns oll dhedha i usi a'n teylu a fydh.

2 Samuel 22:36

Ty re ros dhymm skoes dha selwyans, ha'th weres re'm meurhas.

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

1 Timothi 3:11

Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.

1 Thessalonianys 2:7

kyn hyllyn poesa warnowgh avel abesteli Krist. Mes klor en ni yn agas mysk kepar ha mammeth ow chershya hy fleghes.

Filippianys 4:5

Agas klorder bedhes aswonnys dhe bub den oll. Ogas yw an Arloedh.

1 Korinthianys 9:19

Rag kynth ov kwit a dus oll, my a omwrug keth dhe bubonan, may hwaynnyen tus voy.

Salmow 140:11

Na vedhes fastys y'n tir an gour a gews sklander; gwres droktra helghya an gour garow dhe derroes.’

2 Korinthianys 12:20

Own a'm beus a gavoes, pan dhov, nag owgh hwi par dell vynnav vy, hag ow bos vy kevys genowgh par dell na vynnowgh hwi. Own a'm beus a strivyans, avi, sorr, kedrynnansow, sklanderyow, drokhwystrennow, goeth, derays;

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

Oberow 23:5

Hag yn-medh Powl, Ny wodhvev, breder, y vos arghoferyas; rag skrifys yw ‘Ny wrewgh kewsel drog a-dro dhe rewler a'gas pobel.’

Lavarow Koth 25:24

Gwell yw triga yn kornell a'n to ages triga yn chi war-barth gans gwreg gavyllek.

Lavarow Koth 6:19

fals dhustunier hag a anell gow yn-mes, ha den neb a has diskord yntra breder.

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.

Lyther Yud 1:8

Byttegyns yndellma an re ma a wra defola an korf yn aga hunrosow, ha nagha awtorita, ha sklandra an re wynn.

2 Peder 2:10

ha dres oll an re ow mos war-lergh an kig yn drokhwans plos hag ow tispresya awtorita. Bold ha goethus, ny berthons own a vlasfemya eledh splann an nev,

1 Peder 4:4

Marth a's teves na resowgh hwi gansa i dhe'n keth liv a wrians direwl, hag i a'gas kabel;

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Lavarow Koth 19:19

Den a gonnar meur a dal an spal, rag mara'n delivrydh, re vydh ty dh'y wul arta.