Titus 2:13 - An Bibel Kernewek 20234 (Kernewek Kemmyn)

¹³ ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Titus 2:13 ပူးပေါင်းရင်းမြစ်များ

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Mark 14:62

Ha Yesu a leveris, ‘My ywa, “ha hwi a wel Mab an den esedhys a'n barth dhyghow dhe'n galloes, hag ow tos gans kommol an nev.” ’

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Oberow 24:15

Yma dhymm govenek yn Duw, a waytyons i aga honan ynwedh, y fydh dasserghyans hag a'n re ewnhynsek hag a'n re gammhynsek.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

Romanyon 8:18

My a dyb na dal galarow an termyn ma bos kehaval dhe'n golewder usi ow tos dhe vos diskwedhys dhyn.

1 Korinthianys 1:7

ma na fyllowgh hwi a ro spyrysel vyth, ha hwi ow kwaytya gans mall diskwedhyans agan Arloedh Yesu Krist.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 1:5

drefenn an govenek yw gwithys ragowgh y'n nevow, a glewsowgh kyns yn ger an gwir, an aweyl,

Kolossianys 3:4

Pan vo diskwedhys Krist, agas bewnans, ena hwi ynwedh a vydh diskwedhys ganso yn splannder.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

1 Timothi 1:1

Powl, abostol Krist Yesu war-lergh arghadow Duw agan Selwador, ha Krist Yesu agan govenek,

2 Timothi 1:2

Dhe Timothi flogh karadow: Gras, tregeredh, kres dhiworth Duw an Tas ha Krist Yesu agan Arloedh.

2 Timothi 4:1

A-dherag Duw ha Krist Yesu neb a wra breusi an re yw bew ha'n re yw marow, my a re charj dhis, ha der y omdhiskwedhyans ha'y wlaskor:

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Titus 1:4

Dhe Titus, ow gwir flogh war-lergh an fydh yw rynnys genen: Gras ha kres dhiworth Duw an Tas ha Krist Yesu agan Selwador.

Titus 3:4

Mes pan omdhiskwedhas kuvder ha kerensa Duw agan Selwador,

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.