Sefania 3:8 - An Bibel Kernewek 20234 (Kernewek Kemmyn)

⁸ Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Sefania 3:8 ပူးပေါင်းရင်းမြစ်များ

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 123:2

Otta, kepar dell vir dewlagas servysi orth leuv aga mestrysi, ha dewlagas maghteth orth leuv hy mestres, yn kettella agan dewlagas ni a vir orth an Arloedh, erna gemmerro truedh ahanan.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 37:34

Trest y'n Arloedh, ha syns y fordh ev, hag ev a'th ughelha dhe erita an tir; pan vo an debeles treghys dhe-ves, ty a'n wel.

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Salmow 62:1

Ow enev yn tevri a worta an Arloedh; dhiworto y teu ow selwyans.

Salmow 62:5

Ow enev, gorta Duw y honan, rag ynno ev yma ow govenek.

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

Salmow 79:6

Dyllo dha gonnar war an kenedhlow na'th aswonnis, ha war an gwlaskordhow na elwis war dha hanow.

Lavarow Koth 20:22

Na lavar, ‘My a attal drog’; gorta an Arloedh hag ev a'th saw.

An Gan a Ganow 8:6

Desedh vy avel sel war dha golonn, avel sel war dha vregh, rag bos kerensa mar grev avel ankow, hy avi mar dhibita avel ifarn; hy flammow yw lughes a dan, losk a'n kreffa.

Ysay 14:26

Hemm yw an towl ervirys rag oll an norvys; ha homm yw an leuv ystynnys war oll an kenedhlow.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Ysay 63:6

My a drettyas poblow y'm sorr, ha'ga medhwi y'm konnar, ha dinewi aga sugen war an dor.’

Yeremia 10:25

Dinew dha gonnar war an kenedhlow na'th aswonnons, ha war an teyluyow na elow war dha hanow: rag i re dhevoryas Yakob; i re'n devoryas ha'y gowldhybri, ha gul dh'y annedh bos ynyal.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Yoel 3:2

my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Haggay 2:22

My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

Matthew 25:32

Hag oll an kenedhlow a vydh kuntellys a-dheragdho, hag ev a's rann an eyl dhiworth hy ben kepar dell rann an bugel an deves dhiworth an gever;

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

Diskwedhyans 16:1

Ha my a glewas lev ughel yn-mes a'n tempel ow leverel dhe'n seyth el, ‘Kewgh dhe skoellya an fiolyow a'n sorr a Dhuw war an dor.’

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.