Sefania 3:20 - An Bibel Kernewek 20234 (Kernewek Kemmyn)

²⁰ Y'n termyn na my a'gas dre, y'n termyn may hwrav a'gas kuntell: rag my a wra hanow ragowgh ha gormola yn mysk oll poblow an norvys, pan dreylyav agas kethneth a-dherag agas dewlagas, yn-medh an Arloedh.

Sefania 3:20 ပူးပေါင်းရင်းမြစ်များ

Salmow 35:6

Bedhes aga fordh tewl ha slynk, hag el an Arloedh orth aga helghya.

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Ysay 60:15

Kyn feus forsakys ha kesys, heb denvyth ow tremena, my a'th kwra meuredh bys vykken, lowena a henedh dhe henedh.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 62:7

ha na rewgh powes dhodho bys pan fastyo ha settya Yerusalem avel gormola y'n norvys.

Ysay 66:22

Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Yeremia 23:3

Ha my a guntell remenant ow flokk yn-mes a'n tiryow ma's fesis ha'ga dri arta dh'aga horlann, hag i a dheg froeth ha kressya.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Ezekiel 16:53

My a wra restorita dhedha, restorya Sodom ha'y myrghes, ha restorya Samaria ha'y myrghes, ha my a wra restorita dhiso jy war-barth gansa,

Ezekiel 28:25

Yndellma y lever an Arloedh Duw: Pan guntellav chi Ysrael dhiworth an poblow le mayth esens skattrys, my a vydh sanshes ynna yn golok an kenedhlow. Ena i a drig war aga thiredh aga honan, a res vy dhe'm gwas Yakob.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 37:12

Rakhenna gwra profoesa ha leverel dhedha, Yndellma y lever an Arloedh Duw: Otta, yth esov owth igeri agas bedhow, ha my a'gas drehav mes a'gas bedhow, ow fobel vy, ha'gas dri bys yn pow Ysrael.

Ezekiel 37:21

Lavar dhedha, Yndellma y lever an Arloedh Duw: Ottavy ow kemmeres mebyon Ysrael yn-mes a'n kenedhlow mayth ethons, ha my a's kuntell a bub tu, ha'ga dri dh'aga thiredh aga honan.

Ezekiel 39:13

Oll pobel an tir a wra aga ynkleudhyas; ha hemma a dhre enor dhedha y'n jydh may tiskwedhav ow glori, yn-medh an Arloedh Duw.

Ezekiel 39:28

Ena i a woer my dhe vos an Arloedh aga Duw, rag my dh'aga dannvon yn divroedh yn mysk an kenedhlow; hag ena my a's kuntellas yn aga thir aga honan, heb gasa nagonan anedha ena.

Yoel 3:1

Rag otta, y'n dydhyow na hag y'n termyn na, pan dhrov vy arta kethyon Yuda ha Yerusalem,

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Sefania 2:7

Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Zekaria 8:13

Ha kepar dell vewgh molleth yn mysk an kenedhlow, A ji Yuda ha ji Ysrael, yn kettella my a wra agas sawya, ha hwi a vydh bennath. Na berthewgh dout, mes krevhewgh agas diwleuv.

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Malaki 3:12

Ena oll an kenedhlow a wra agas gelwel gwynnvys, drefenn hwi dhe vos gwlas dhesiradow, yn-medh Arloedh an luyow.

Dewteronomi 26:18

Ha'n Arloedh re dhiskleryas hedhyw ty dhe vos dhodho pobel arbennik dhodho y honan kepar dell gewsis dhis, ha ty dhe witha oll y worhemmynnow;

Dewteronomi 26:19

ytho ev a'th sett ughel a-ugh oll an kenedhlow a wrug, rag gormel, rag hanow, rag enor, rag may fi pobel sans dhe'n Arloedh dha Dhuw kepar dell gewsis.